Daniel 11:37 - Bible azumeina

³⁷ Mba mi djib’er yam alo ma abuyom ngolo a kud’uroma d’oze ma aropma a le kama d’i, mba mi hle yam akulo, mba mi gol tam ala mam kalazi pet, mba mi ge yam kä avok alo tu d’i.

Daniel 11:37 Iomraidhean Croise

Ad’u Tinda 3:16

Bugola, mi de matchad’a ala: An mba ni hak ndak ka ngola ki wirâ; ndak mba d’i vut grona ni ki ndaka; hina pet pî, min maka mba d’i tchol nata ndjuvugu, mam mba mi te kak mi.

Ad’u Tinda 3:5

Wani Alona mi wala bur ma agi tuma, iragi mba d’i mal leyo, agi mba mbud’ugi d’igi mam tamba na á we djivid’a ki tchod’a.

Sawal la kal teglesa 7:10

Vuna’î d’igi süm guguzlu d’a djivid’a na...! Ti dala: Nga mi sulul kä woi yam ma an le kam heîna, nga mi kal kä woi kikling avun suma a bur senina mi.

Isai 14:13

Ang de kurung ala: An mba ni djak akulo, an mba ni tin zlam man nda amula akulo kal tchitchiu d’a hAlonid’a, an mba ni kak akulo yam ahina d’a abo ma norâ d’a alona mi tok kuad’a.

Isai 14:14

An mba ni djak akulo yam d’ugula yat ta dabid’a, an mba ni mbut d’igi Ma sä akulo ma kal teglesâ na.

Ezekiyel 24:16

Ang gor sana, gola! An nga ni hle vama ang hurung vum heîna woi atogo zak. Ang mba tchim horom mbi, ang mba tchi d’i, simina mba mi djang irang kä d’uo mi.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 11:38

Wani mba mi kud’orî alona hazì ma ad’eng ma ngunguna, nalo ma abuyom ngolo a wum nga d’uo na. Mam mba mi hum lora, mba mi hum kawei ma hapma, mba mi hum ahina d’a guzut kal teglesa kahle suma ding suma zlazi ngolina.

Daniel 8:11

Mi i gak mi nde ma ngolâ hi azigar suma akulona ayîna, mi d’el ahle mam suma ngat buzu suma burâ ki burîna, mi mbut gong mam mba kud’ora ndjendjed’a mi.

Gat ta a hat á mbàd’id’a 21:11

dam sama ding adigagi mba mi watcha d’a djifâ aduk magumei ndazina, mba mi le d’od’oka kat á vat atchad’a kla ni,

Gat ta a hat á mbàd’id’a 5:21

Ar ang le d’od’oka yam vama lara pî ma hi ndrangîna d’i, nala, amamba, d’oze gong mamba, d’oze asinemu, d’oze azong mama, d’oze wei mamba, d’oze amuhl mama, d’oze koro mama.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

1 Timote 4:3

Sum ndazina a nga hat suma ala nga djivid’a sa mi vatcha d’i, mi te te ma tetengâ d’uo mi. Wani Alona mi le te máma kayam suma a he gagazid’ina ki suma a we gagazid’ina a le mersi kamu, a tumu.