Amos 9:7 - Bible azumeina

⁷ Ma didina mi dala: Agi Israel-lâ, agi iran ni d’igi suma Etiyopi-na na d’uo zu? Ni an ba ni buzugugï woi yam ambas sa Ezipte-d’a d’igi an buzugï suma Filistê-na woi Kaftor na, d’igi an buzugï suma Siri-na woi Kir na mi d’uo zu?

Amos 9:7 Iomraidhean Croise

2 Amuleina 16:9

Amul ma Asiri-na mi hum zla mamba, mi i dur ayîna kambas sa Damas-sa, mi hlad’u, mi yo suma kurâ, mi izi magomba Kir, mi tchi Resin ndeyo.

2 Sunda Hamuleinid’a 14:12

Asa ki sum mama a digizi gak a mbaza Gerar, a tchi suma Etiyopi-na kakaf. Sa mi sut nga tu d’i, kayam a b’rau woi avok Ma didina ki azigar mama yayak. Asa ki sum mama a kus kazi kus sa ngola, a hurumï ahle mazina ngola mi.

2 Sunda Hamuleinid’a 14:9

Asa ki azigar mama a buzuk kei á ngavamu. Azi a ndjar tazi kur hor ra Sefata d’a go ki Maresa-d’a.

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Isai 20:4

Hina mi, amul ma Asiri-na mba mi yo suma Ezipte-na magomba, mba mi yo suma Etiyopi-na azungeîna ki momorogeina magomba. Azi djak a mba tit bei atuguruna aseziya, bei baruna ataziya, huyogozi woi hawa mi. Ni zulo ma ngolâ yam Ezipte-na.

Isai 22:6

Agi suma Elam-ma, agi yogi yeûd’a kakulud’u, suma a nga kur pus ma dur ayîna ki suma djang akulumeina a nga i avogovogo. Azigar suma Kir-râ a buzuk mboriyo mazina woi abu mi.

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Jeremi 13:23

Ma Etiyopi-na mi ndak á mbut babagam zu? Sindilâ mi ndak á mbut d’udjo mamba zu? Hina mi, agi suma had’agi ki tcho d’a led’ina, agi ndak á lagi djivid’a d’uo mi!

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Wana ni mbaktumba hi Oze-d’a 12:13

Jakob mi ring yam andaga d’a Aram-mba, mi le sunda yam atchad’a, ni yam atchad’a ba, mi pol aho’â.

Amos 1:5

An mba ni kus kawei ma murguli ma avun azì ma ngol ma Damas-sîna woyo, an mba ni dap suma a nga kaka kä kur hor ra Bikat-Aven-nda ki ma nga mi tamula yam suma hi Bet-Eden-na woi mi. Suma Siri-na a mba yozi magomba izi Kir. An Ma didina ni de na.

Amos 2:10

Wani avok ahle ndazina, an buzugugï woi yam ambas sa Ezipte-d’a, an tit ki sed’egi abagei hur fulâ bizad’a dok fid’i tala agi tagi ambasa hi suma Amor-râ d’a.

Gat ta a hat á mbàd’id’a 2:23

Suma Af suma a nga kaka kur azì ma gureina gak Gaza-na, suma tcholï Kaftor-râ a tchaziya, a kak blangâziya.)