Amos 9:5 - Bible azumeina

⁵ Salad’a Ma didin ma ad’engêm kal petna, mi tin abom yam andagad’a, ti giged’a; suma a nga kaka katna pet, a nga yor taziya. Ti hop akulo ki zla tat pet d’igi alum ma Nil-lâ na, ti mba d’i hulong kä d’igi alum máma na mi.

Amos 9:5 Iomraidhean Croise

Sawal la giled’a 104:32

Ang gol andagad’a, andagad’a ti zlaga, ang do ahuniyôna, andosâ rip kaziya.

Sawal la giled’a 144:5

Ma didina, ang hud’ï akulo manga kä go, ang tchugï aseng kä, ang do ahuniyôna kabongû, ar azi fo akud’a.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Sawal la giled’a 46:6

Alona mi nga kurumu, azì máma nga mi giget ti; ki yorogo tcholola Alona nga mi ngomomu.

Sawal la giled’a 97:5

Ahuniyôna a nga lau woi d’igi dubangâ na avok Ma didina, avok Salad’a ma te yam andagad’a petna.

Isai 64:1

Ang mbut ni d’igi aku d’a ti ngal tchagalakid’a na, d’igi aku d’a ti zal mbinid’a na, tala mang suma djangûna a wang simiyêng andjaf suma a zlak avorongû d’a.

Jeremi 12:4

Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.

Wana ni mbaktumba hi Oze-d’a 4:3

Kayam ndata, baktarad’a mba d’i nde yam ambasa, suma kurutna pet kahle suma abageina kaluwei suma akulona a mba dap peyo, kuluf ma kur alum ma ngolîna pî mba mi dap pei mi.

Amos 8:8

Ambasa mba d’i zlak yam zla ndata d’uo zu? Suma a nga kaka katna a mba tchi horâ d’uo zu? Ambas ndata mba d’i hop akulo d’igi alum ma ngolâ na, mba d’i hulong kä d’igi alum ma Nil-lâ na mi.

Nahum 1:5

Nga mi giget ahuniyôna, yima ndingâ nga mi lau woyo. Andagad’a ki suma a nga kaka kurutna pet a nga hlakulo avorom hîhîb’iring.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Habakuk 3:10

Ahuniyôna a wangû, a nga zlaga; mbiyona nga mi djang oî kä yam andagad’a, zul la yiyika vunat nga mi tchi wü, abilâ nga mi sulul akulo huhubup mi.

Matiye 7:27

Alona mi se, mbiyo ma kä na mi kuza, babarâ mi le bibik giget gong ndata mi, ti to kä woi ndjandjap, ti b’lak kei kakazeî mi.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.