Amos 9:2 - Bible azumeina

² Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

Amos 9:2 Iomraidhean Croise

Wana ni mbaktumba hi Job-pa 20:6

Le ngol mamba ti i gak hur alona, le yam i doï d’ugula pî,

Wana ni mbaktumba hi Job-pa 22:13

Ni kayam ndata ba, ang nga dala: Alona mi we ni ki me ge? Mi ndak á kei sariyad’a kei kur nduvunda zu?

Wana ni mbaktumba hi Job-pa 24:23

Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Wana ni mbaktumba hi Job-pa 26:6

Yima azuleina ni woi pid’ak iramu; zul la yiyik ka suma a ba woi kuad’a, ti nga ngeid’a iram mbuo mi.

Wana ni mbaktumba hi Job-pa 34:22

Nduvunda d’oze anguza matna a ndak nga d’ala suma le tchod’a a ngei tazi kuad’a d’i.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Jeremi 51:53

Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Ezekiyel 26:20

An mba ni gang kä kur zul la yiyika gen suma mat suma a nga kä adjeu dedeina. Ang mba ar kaka kä ad’u andagad’a d’igi suma a b’lak kei dedeina na, zlapa ki suma mat suma a bo avorongâ, ang dok djagï akulo á kaka aduk suma a nga ki irazi yam andagad’ina d’uo d’a.

Ezekiyel 31:14

A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Abdiyas 1:4

Wani le agi i kagagi sä nakulo dei d’igi b’aruna na d’oze agi minigi aziyagi sä nakulo aduk tchitchiud’a pî, an mba ni tchugugï asegi kä woyo.

Wana ni Zla d’a Djivi d’a Luc mi b’irita 10:18

Mi hulong dazi ala: An we Seitan mi tcholï akulo, mi nde kä d’igi wiled’a na.