Amos 9:15 - Bible azumeina

¹⁵ An mba ni hulong pe sum mana yam andaga mazid’a. Sa mba mi pad’azi woi yam andaga d’a an hazizid’a d’uo d’a. Wana ni zla d’a an Ma didina Alo magina ni data.

Amos 9:15 Iomraidhean Croise

Sawal la giled’a 44:2

Alo mamina, ami humumi ki humamiya, abuyomi ngolo a dami zla sun nda ang lat kur atchogoi mazid’a avok dedeid’a.

Sawal la giled’a 80:8

Alo ma ad’engêng kal petna, ang tinimi blangâmina, ang mbud’ï irang kiramiya. Hina wani, ami mba sud’umiya.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Jeremi 16:15

Wani a mba gun tazi nala: An gun tan ki Ma didin ma bei matna ma buzugï Israel-lâ woi kur ambas sa abo ma norîd’a, kur ambas sa lara ge pet ta mam ndjoyôzi woi kuad’a! An mba ni mbazi yam andaga d’a an hat mabuyozi ngolod’a.

Jeremi 23:8

Wani mba mi gun tam ala: An gun tan ki Ma didin ma bei matna ma mi hulong mi yoï andjafâ hi Israel-lâ woi kur ambas sa abo ma norîd’a kur ambas sa lara ge pet ta mam ndjoyôzi woi kuad’a tala a kak kur ambas mazid’a na.

Jeremi 24:6

An mba ni tin iran kazi á wazi hohowoziya, an mba ni hulongôzï kur ambas sa kä wanda, an mba ni minizi akulo, an mba ni b’lagazi woi d’i, an mba ni pazi ni kä, an mba ni pad’azi woi d’i.

Jeremi 3:18

Kur bur máma suma Juda-na ki Israel-lâ a mba zlap tu. Azi djak a mba tcholï yam ambas sa abo ma norîd’a á i yam ambas sa an hat mabuyozi ngolo djonid’a.

Jeremi 32:15

Kayam Ma didin ma ad’engêm kal petna, Alona hi Israel-lîna, mi dala: Burâ nga mi mba, a mba gus azina, asinena ki guguzlud’a kua kur ambas sa wanda.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Jeremi 32:41

Tan mba d’i lan djivid’a á lazi djivid’a, an mba ni kagazi kur ambas sa wanda ki hurun tu ki muzugan tu mi.

Jeremi 33:7

An mba ni hulongî ki suma Juda suma a yozi magombina ki Israel suma a yozi magombina mi, an mba ni kagazi b’langâzina d’igi adjeu deid’a na.

Ezekiyel 34:28

Azi mba mbut ni vama hurumba aduk andjaf suma d’uo d’a, amburei suma abageina a mba mud’uzi d’uo mi. A mba kak ki halasa, sama mba mi b’lagazi djib’er mazid’ina mi nga d’uo mi.

Ezekiyel 37:21

Ang mba dazi ala: Salad’a Ma didina mi dagi ala: Agi golonu! An mba ni prut Israel-lâ pet suma a nga kaka aduk andjaf suma ata yima azi i kuana woyo, an mba ni togozï woi ata yima lara ge pet, an mba ni hulongôzï yam andaga mazid’a.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Joel 3:20

Wani suma a mba kak kur ambas sa Juda-d’a gak didin, a mba kak kur Jerusalem atchogoid’a katchogoid’a mi.

Mise 4:4

Azi nge nge pî mba mi kak kä ad’u guguzlu mamba, kä ad’u tulum mama mi, sama mba mi mbud’uzi mandarîna nga d’i. Wana ni zla d’a Ma didin ma ad’engêm kal petna mi data.