Amos 9:13 - Bible azumeina

¹³ Ma didina mi dala: Burâ nga mi mba, kur bur máma ma zuma mba mi tes ma zed’a ped’et, ma miret guguzlud’a mba mi tes ma zarat kä na ped’et mi. Süm guguzlu d’a awilid’a mba d’i djangî akulo yam ahuniyôna gak mi hle yam yima ndingâ woi pepet.

Amos 9:13 Iomraidhean Croise

Ad’u Tinda 49:11

Ni ma koro mama nga djinda ata guguzlud’ina; gor koro mama nga djinda ata abuwatna. Mi nga mi mbus baru mama kä aduk süm guguzlud’a, mi nga mi mbus baru mam mba ngola kä aduk mbiyo vut guguzlu d’a hleud’a d’igi buzuna na d’a.

Sawal la giled’a 97:5

Ahuniyôna a nga lau woi d’igi dubangâ na avok Ma didina, avok Salad’a ma te yam andagad’a petna.

Isai 16:10

Siwel la furîd’a ti dap pei kur asine magi ma aguna mi vut kua heîna, a nga hum del la furîd’a ki del la aîd’a kur asine magi ma guguzlud’a d’uo d’a, süm guguzlu nga kur zulum mbuo d’a, suma miret guguzlud’a a nga d’uo d’a, an d’el wa siwel la lü ndjongâ da’.

Isai 55:13

Agu siprena mba mi deî balum azlupa, agu mirtena mba mi deî balum kekerezeuna mi, a mba mbut vama subura yam Ma didina, ni vama tak ma didin ma bei mi dap pei ba na.

Ezekiyel 28:26

Azi mba kak kurut ki halasa, a mba min gongîyona, a mba pe guguzlud’a. Fata an mba ni ka sariyad’a yam suma pet suma a nguyuzi kä suma a golozi isâ, a mba kak kua ki halasa. Ata yi máma azi mba wala an ni Ma didina Alo mazina.

Ezekiyel 36:35

A mba dala: Ambas sa ar djonid’a ti mbut wa d’igi asine ma Eden-na na, azì ma nglo ma b’lak kei ma a tom kä woi mi ar djonina, mi mbut wa azì ma ad’eng ma ngunguna, suma a kak wa kua mi.

Joel 2:24

Yima to awuna mba mi oî kawuna, zul la miret guguzlud’a mba d’i oî ki süm guguzlu d’a awilid’a ki mbulâ, a mba sulul kä woi mi.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Joel 3:20

Wani suma a mba kak kur ambas sa Juda-d’a gak didin, a mba kak kur Jerusalem atchogoid’a katchogoid’a mi.

Sunda hi suma hi Levi-nid’a 26:5

Agi mba togi awuna gak mi tinigi ata yima dut guguzlud’a, agi mba dud’ugi guguzlud’a gak ti tchagi ata yima zuma. Agi mba tagi tena hobogiya, agi mba kagagi kur ambas magid’a ki halasa mi.

Amos 9:5

Salad’a Ma didin ma ad’engêm kal petna, mi tin abom yam andagad’a, ti giged’a; suma a nga kaka katna pet, a nga yor taziya. Ti hop akulo ki zla tat pet d’igi alum ma Nil-lâ na, ti mba d’i hulong kä d’igi alum máma na mi.

Jean 4:35

Agi nga dagi ala: Tilâ ar fid’i á duta tua d’uo zu? Gola! An nga ni dagiya, agi hlagi iragi akulo, agi gologi awu ma kur asinenina mi ne wa á duta.

Suma ka sariyad’a 5:5

Ahuniyôna a zlak avok Ma didina, Sinai pî ti zlak avok Ma didina Alona hi Israel-lîna mi.