Amos 9:11 - Bible azumeina

¹¹ Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Amos 9:11 Iomraidhean Croise

Wana ni mbaktumba hi Job-pa 1:10

Ni kayamba ang gum kangâna kam mbei ki sum mama kahligiyem peta d’uo zu? Ang b’e vunang yam sun nda mam nga mi lata; d’uwar mama mi zul yam andagad’a mi d’uo zu?

Sawal la giled’a 143:5

An nga ni djib’er yam bur ma adjeuna, an hulong nga ni djib’er yam sun manga, an nga ni djib’er yam sun nda ang lat kabonga mi.

Sawal la giled’a 80:12

Abot mi ring ngei gak yam alum ma ngol ma Mediterane-na, abot ma gureina, mi i gak yam alum ma Efrat-na mi.

Sawal la giled’a 89:40

Ang b’lak vun ma djin ma ang djinim kazong mangîna woyo, ang gum avaval mamba kä woi andaga.

Isai 16:5

ata yi máma, yam djivi magid’a a mba tin zlam mba amul la ad’enga aduk andjafâ hi David-na. Ma dingâ tu mba mi kak kad’u, mba mi he tam á ka sariyad’a ki d’ingêra, tam mba d’i lum djivid’a yam sun nda irata mi.

Isai 5:5

Ki tchetchemba an tak vama an mba ni lum ki guguzlu mandina woyo: An mba ni hô kangâ ma katna woyo, an mba ni ar ahlena a tad’u, an mba ni to gulumun ma katna kä woi á bong suma lovota á mired’et kä kaseziya.

Isai 58:12

Ni agi ba, mba hulong minigi yima adjeu ma b’lak keina, agi mba tchologi ad’u ge d’a kur atchogoi d’a kal lei dedeid’a akulo. A mba yagi ala: Suma a min ir gulumun ma dris seina, suma a min lovot ta gureid’ina, suma a hulong mbut ambasa djivid’a á kak kurutna.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Isai 65:9

An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Jeremi 18:9

Wani bur ma dingâ an nga ni de zlad’a yam andjaf ma dingâ d’oze leu d’a dinga á minit toze á tinit ad’ut kä.

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Jeremi 46:26

An mba ni hazi abo suma a nga halazi á tchid’ina, nala, Nebukanezar amul ma Babilon-na ki azigar mama. Bugola, suma a mba kak kur Ezipte d’igi a kak kurut adjeu na. An Ma didina ni de na.

Hor ma tchina 5:21

Ma didina, ang hulongômï gevengû, ami pî mba hulongômï geveng mi. Ang hulongômi kur subur mamid’a d’igi d’a adjeud’a na.

Ezekiyel 17:24

Hina wani, agu ma abageina pet mba mi wala an ni Ma didina, ni an ba ni hulong yam agu ma fuyogeina kä, ni an ba ni hlagu ma gud’ongeîna yam akulo, ni an ba ni so agu ma d’ufa woyo, ni an ba ni d’uf agu ma so woina mi. An Ma didina ni de zlad’a, an mba ni le sunda kat mi.

Ezekiyel 36:11

An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Abdiyas 1:17

Wani suma a sut teina a mba kak yam ahina d’a Siyon-nda. Azi mba ka’î suma a tinizi irazi vazina. Suma hi Jakob-ma a mba hle yi mazi ma a hlum abozi adjeuna.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Mise 7:11

Agi suma Jerusalem-ma, bur ma a mba djagagi gulumuna hazì magina akulona, a mba hulong wed’egi hagad’a handaga magid’id’a woyo.

Mise 7:14

Ma didina, ang pol sum mangâ ki totogo manga, azi sumala ni djo mangâ na, ni suma a nga kaka sä woi abagei aduk agu d’a Karmel-la na, ang polozi kur Basan ki Galät d’igi ang polozi adjeu na.

Mise 7:8

Mami ma djangûna, ar ang le furîd’a kami d’i! Le ami pugumi kä pî, ami mba hulong tcholomi akulo; le ami nga kaka kur nduvunda pî, Ma didina ni b’o mamid’a.

Zakari 12:7

Ma didina mi dala mba mi mba á sut andjafâ hi Juda-na tala andjafâ hi David-na ki suma Jerusalem-ma a hle yazi akulo ala azi kal suma Juda suma a arâ d’uo d’a.

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Zakari 6:12

Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Ndumba 24:18

Mba mi kus yam suma Edom-ma, mba mi kus yam suma Seir sumala ni mam suma djangûna adjewe na. Israel-lâ a mba tak ad’eng mazid’a woyo.