Amos 9:10 - Bible azumeina

¹⁰ Suma pet suma a le tchod’a aduk sum mana suma a nga dala: Ndaka mba d’i mba kami d’i d’oze mba d’i domi d’uo mi na, a mba tchazi avun ayîna.

Amos 9:10 Iomraidhean Croise

Sawal la giled’a 10:11

Nga mi de kurum ala: Alona mi mar wa, mi tchok wa yam kä, nga mi we d’i.

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 5:19

Sum ndazina a nga dala: Ar Ma didina mi le sun mamba atogo kayam ei wad’u, ar Ma tin tam irat vat yei Israel-lîna mi mbeï ki nga hur máma, mi ndagam vunam kayam ei weiziya.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 29:32

Ni kayam ndata ba, an Ma didina ni dala: An mba ni mba á ngop Semaya kandjavamu. Sa mam mba mi kak adigagi á we djivi d’a an mba ni lat mi sum manid’a d’i, kayam mam zut sum mana á kak djangûna ki sed’enu.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Amos 6:3

Agi djib’eregi ala agi walagi wa woi dei ki bur ma ndaka, wani agi hud’ugi ni murud’umba á te kagagiya.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Malatchi 3:15

Tchetchem mba wanda, hotei ni suma subur tad’a d’o, kayam azi nga ki furîd’a! Gagazi, suma tchona, ahle mazina a nga zula, a nga kuk Alona wan pî, va nga mi lazi d’i!