Amos 8:4 - Bible azumeina

⁴ Agi suma nga tagi suma houd’ina, agi suma kid’eyêgi ir suma hohou suma kur ambasina, agi humugi zla d’a wanda.

Amos 8:4 Iomraidhean Croise

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Wana ni mbaktumba hi Job-pa 24:4

A nga vit suma houd’a woi kur lovota, a nga orom suma hohou suma yam ambasina á ngei tazi ata yima tuna.

Sawal la giled’a 10:7

Zla d’a ndeï avunamba nahle suma yid’a, mbut ira ki zla d’a kad’a; zla mam mba ded’a ni zla d’a tchod’a, ni zla d’a ata yat tuo d’a mi.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 14:4

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Sawal la giled’a 140:12

Sama ka zlad’a nga mi kak tatâ yam andagad’a d’i, sama murud’umba ndaka nga d’i digim á bam mbeyo.

Sawal la giled’a 56:1

Ni sawal la gile d’a David mi hlat mi hat mi ma ngolâ hi suma hle sawalina. Mi hlat ni kid’a suma Filistê-na a vum avo Gat-ta.

Zla d’a d’ogolâ 30:14

Suma dingâ a nga, siyazi mi ni d’igi mbigeu d’a fiyak ka siyat mbàd’a na, agingâzi ti ni d’igi mbigeud’a na á b’lak suma hohou suma kur ambasina woyo, á tchi suma kid’aka woi aduk suma mi.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 28:14

Kayam ndata, agi suma las suma, agi suma nga tagi yam suma Jerusalem-mina, ar agi humugi zlad’a hi Ma didinid’a.

Jeremi 28:15

Ma djok vun Alona Jeremi mi de mi ma djok vuna Hananiya kua ala: Hananiya, ang huma! Ma didina mi sunungî nga d’i, wani ang nga zut suma á tin huruzi yam zla d’a kad’a.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Ezekiyel 45:10

Ar nge nge pî mi kak ki kilo ma nga ahle ma ata yama, ar aneka hahlenid’a ti ka’î ata yat mi.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Amos 5:12

Kayam an we tchila magid’a tablaud’a, tcho magid’a ti kal ngola heî mi; agi nga kid’eyêgi ir ma d’ingêrâ, agi nga vagi bege d’a mbut ira abomu, agi nga d’elegi suma ka sariyad’a á ka sariyad’a hi suma houd’id’a.

Amos 7:16

Ki tchetchemba, ang Amasiya, ang hum zlad’a hi Ma didinid’a. Ang mala an djok vuna mi Israel-lâ d’uo an ngir hum andjafâ hi Isa’â d’uo mi na.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Mise 3:3

Agi nga tagi hliwa sum mana, agi nga hôgizi babagizi woyo, agi nga kuzugizi asogozi woyo, agi nga tchalagizi woi d’igi hliu ma a tinim aku kur deinina na.

Zakari 5:6

An hulong ni dum ala: Ni me ge? Mi dan ala: Ni vama nga ahle ma tchod’a hi suma yam ambasina pet nga kuruma.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.