Amos 8:11 - Bible azumeina

¹¹ Salad’a Ma didina mi dala: Burâ nga mi mba, kur bur máma an mba ni sunï baktarad’a kur ambasa, meid’a mba d’i tchi suma, wani ni yam tena d’i. Vunazi mba mi so, wani ni yam mbina d’uo mi. Wani mei d’a mba d’i tchi sumid’a ki vun ma so ma mba le sumina ná hum zla d’a ndavunan an Ma didinid’a.

Amos 8:11 Iomraidhean Croise

2 Sunda Hamuleinid’a 15:3

Israel-lâ a le bizad’a ablaud’a bei Alo ma gagazina adigaziya, bei ma ngat buzu ma mi had’azina, bei gat mamba adigazi mi.

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Zla d’a d’ogolâ 29:18

Ata yima sama mi de zlad’a woi yam vama ndum mbeina nga d’uo na, suma a tit ni kur batranga, wani sama nga mi ngom gata hAlonid’ina, mi le furîd’a.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Ezekiyel 7:26

Ndaka mba d’i mba yam ndrat ndaka, zlad’a mba d’i mba yam ndrat zla d’a dinga mi. A mba hal ahle suma a nde tazi woi ir sumina ata suma djok vuna ki labiyad’a. Suma ngat buzuna a mba we gat tuo d’a, suma nglona a mba fe d’al ma de d’uo mi.

Wana ni mbaktumba hi Oze-d’a 2:3

Agi dagi mi b’oziyogi suma andjofâ ala: Ammi (nala, Ni sum mana!) Agi dagi mi b’oziyogi suma aropma ala: Ruhama (nala, We hohoud’a!)

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Matiye 9:36

Wani kid’a mi wablau sumid’a, mi wazi hohowoziya, kayam azi nga kur kaud’a, ad’engêzi nga d’uo d’igi tumiyô suma bei salazi ma polina na.

1 Samuel 28:15

Samuel mi de mi Saul ala: Ni kayam me ba, ang b’lagan hurun ang ndanï woi akulo ge? Saul mi hulong dum ala: An nga kur djib’er ra ngola, kayam suma Filistê-na a ndan ayîna. Alona mi wal lei ki sed’enu, mi hulongôn nga humba avun suma djok vun ndoze kur adïd’a d’i. Ni kayam ndata ba, an yang ala ang tagan vama ndak á led’ina.

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.

1 Samuel 3:1

Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a.