Amos 7:4 - Bible azumeina

⁴ Salad’a Ma didina mi ndan vama dingâ iran ndei kua. Mi yakud’a á ka sariyad’a. Ti ngal zul la ngol la yiyika, ti ngal asinena woi mi.

Amos 7:4 Iomraidhean Croise

Isai 27:4

An nga ki hur ma zal kurun ndi, wani le an fe aweid’a azi ki kekerezeuna adugu ni, an mba ni tit kaziya, an mba ni ngalazi woi kakud’a.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Joel 1:19

Ma didina, an nga ni tchi kangû, kayam akud’a ti ngal wa yima te hat ma hur fulîna woyo, sin akud’a ti ngal wa agu ma hur asinenina woi pet mi.

Joel 2:30

An mba ni lahle suma atchapma kur akulod’a, kä yam andagad’a mi, nala, buzuna, akud’a kandos ma tchola gozongâ.

Sunda hi suma hi Levi-nid’a 10:2

Kayam ndata, akud’a ti tcholï avok Ma didina, ti ngalazi ti tchazi woyo.

Amos 1:4

An mba ni do akud’a ata azì ma amula hi Hazayel-lâ, ti mba d’i ngal azì ma ad’eng ma ngunguna hi Ben-Hadat-na woi mi.

Amos 1:7

an mba ni do akud’a ata gulumun ma Gaza-na, ti mba d’i ngal azì ma ad’eng ma ngunguna woi mi.

Amos 2:5

an mba ni do akud’a ata azì ma ngol ma Juda-na, ti mba d’i ngal azì ma ad’eng ma ngungu ma Jerusalem-ma woi mi.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Amos 5:6

Le agi min va mi lagi d’uo ni, agi halagi ni Ma didina. Agi andjafâ hi Josef-fâ, le hina d’uo ni, mba mi fo d’igi akud’a na; mba d’i ngal Betel lei pet bei fe sama tchat teina ba.

Amos 7:1

Wana ni vama Salad’a Ma didina mi tagandji ata yima vana nde tam mbei irana: Ata yima asuna nga mi tin ad’ud’a á d’ufâ bugol ma a ngad’am ma amulîna, mi le djera.

Amos 7:7

Salad’a Ma didina mi ndan vama dingâ iran ndei kua. Ma didina mi nga tchola yam gulumuna ki plom ma d’op gongâ abomu.

Mise 1:4

Ahuniyôna a nga lau woi kä ad’umu, hora mba d’i wak kei d’igi dubangâ mi lau woi abo akud’a na, d’igi mbiyo ma akulo yam yima ndingîna mi djangî kä ata yima ligitima na mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Hebre-na 1:7

Wani Alona mi de yam malaikana ala: Mam mbud’uzi simetna, mi mbut suma lum sundina sin akud’a mi.

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.