Amos 7:17 - Bible azumeina

¹⁷ Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

Amos 7:17 Iomraidhean Croise

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

Sawal la giled’a 78:55

Mi dik andjaf suma dingâ woi avok andjafâ hi Israel-lîna, mi b’rawazi djona, mi hazi yi mazi ma kaka mi.

Isai 13:16

A mba tchazi grozi suma tchapona kä woi iraziya, a mba hurum ahle mazina, a mba tchuguzi kur bud’omeina, a mba bur kamiyôzina kad’enga mi.

Isai 22:18

Mba mi d’ud’ungû, mba mi d’ud’ung d’igi bala na, mba mi gangza woi yam andaga d’a bubud’a ki pus mang ma subura pet, ang mba mit sä kua, ang ma mbut azina hi salangâ zulonina.

Jeremi 14:16

Suma azi nga djogozi vunina a mba bo kä ir palum mba Jerusalem-mba abo meid’a kayî ma durâ. Sum ndazina kamiyôzina ki grozi suma andjofâ ki grozi suma aropma a mba fe sama tozozina d’i. An mba ni hulongôzi asa’at ta azi lata kaziya.

Jeremi 20:6

Wani ang tang Pasehur ki suma a nga kaka avo hatangâ pet, a mba yogi magomba, a mba ing Babilon. Ang mba mit sä kua, a mba tozong sä kua zlapa ki buniyông suma ang djogozi vun ma ka zlad’ina pet mi.

Jeremi 28:12

Wani bugol la ma djok vuna Hananiya mi kus dju’â woi kel Jeremi kusa, Ma didina mi de mi Jeremi ala:

Jeremi 28:16

Ni kayam ndata ba, Ma didina mi dala: Gola! An nga ni diging ngei yam andagad’a ka hî, ang mba mit atchugoni, kayam ang de zla d’a kak djangûna ki an Ma didinina.

Jeremi 29:21

Wana ni zla d’a Ma didin ma ad’engêm kal petna, Alona hi Israel-lîna, mi dat yam Ahap Kolaya goroma ki Sedekiyas Mäseya goroma suma a nga djok vun ma ka zlad’a ki simiyêma. Mi dala: An mba ni hazi abo Nebukanezar amul ma Babilon-na. Mam mba mi tchazi kä iragiya.

Hor ma tchina 5:11

A b’lak aropma woi hur Siyon, a b’lak yugunei suma bei ngaf kandjofîna woi hur azì ma nglo ma Juda-na.

Ezekiyel 4:13

Ma didina mi dala: Ni hina ba, Israel-lâ a mba te te mazi ma ndjendjed’a aduk suma an mba ni digizi izi kuana.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Amos 6:7

Ni kayam ndata ba, a mba igi magomba avok suma a mba yozi magombina, furî d’a agi nga lat yam hliu tad’id’a mba d’i dap pei mi.

Amos 7:11

Gola! Amos mi dala: Jerobowam, a mba tchum avun ayî ma durâ; Israel-lâ, a mba yozi magomba, a mba izi woi dei kandaga mazid’a mi.

Amos 8:1

Salad’a Ma didina mi ndan vana iran ndei kua. An we gagalagad’a ki vud’agu ma ned’a nga kuru.

Amos 9:1

An we Salad’a mi nga tchola yam yima ngal ahle suma ngat buzuna, mi dala: Agi tumugi agu ma murgulina yam mba djumba, ar agu ma avun gong nga kud’orina mi giged’a! An mba ni kuzuzi yazi woi pet; ad’uzi d’a ara, an mba ni tchazi woyo. Sa tu pî mba mi ndak á ring ngi, sa mba mi sut tu d’uo mi.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Zakari 14:2

Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.