Amos 7:14 - Bible azumeina

¹⁴ Amos mi hulong de mi Amasiya ala: An nga ni ma djok vun Alona d’oze ma djok vun gorom mbuo ko. Wani an ni ma pol d’uwarâ, an ni ma ngom diyagad’a mi.

Amos 7:14 Iomraidhean Croise

1 Amuleina 19:19

Elie mi iya, mi fe Elise Safat goroma nga mi zum kä kamuzleina kakapa dogo yam mbà. Elise tamba ba nga mi zum ki yazi d’a dogo yam mbàd’a. Elie mi hut go gen Elise, mi tchugum baru mam mba ngola kamu.

1 Amuleina 20:35

Ata yi máma na wat, Ma didina mi he vuna mi ma dingâ tu aduk suma a djogom vunama. Kayam ndata, mi de mi ndrama ala: Ang kanu. Wani ndrama mi min ndi.

2 Amuleina 2:15

Adesâ hi suma djok vun suma a nga kaka Jeriko-na, a nga tchola sä woi hina dei, a nga gol vama Elise mi luma, a nga dala: Muzuk ma kak yam Elie-na, ki tchetchemba, mi djok wa yam Elise. A mba d’ugulomu, a grif kä avoromu,

2 Amuleina 2:3

Adesâ hi suma djok vun suma a nga kaka Betel-lâ, a mba, a de mi Elise ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 2:5

Wani adesâ hi suma djok vun suma a nga kaka Jeriko-na, a hut gen Elise, a dum ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 2:7

Suma djok vuna dok vahl a mba, wani a tchol sä woi hina dei ki Elie azi ki Elise suma a nga tchola avun alum ma Jurdê-nina.

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

2 Amuleina 6:1

Bur tu adesâ hi suma djok vunina a de mi Elise ala: Gola! Yima ami togomi kua avorongâ mi kid’agamiya.

2 Sunda Hamuleinid’a 16:7

Kur biza ndata, ma djok vun Alona Hanani mi mba gen Asa amul ma Juda-na, mi dum ala: Ang ar zla d’a deng tang ata Ma didina Alo mangîd’a ta, ang deng tang ata amul ma Siri-na, ang he lovota mi azigar suma Siri-na á sut tazi woi abongû.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 20:34

Sunda hi Josafat ta ara, d’a avoka ki d’a dananda, a b’irit nga kä kur Mbaktum mba ge humba hi Jehu Hanani goromid’a, a gat nga kä kur Mbaktumba hamulei suma Israel-lîd’a mi.

Wana ni mbaktumba hi Job-pa 30:4

Azi nga dut hum aguna aduk azlupa, a te ni sidei agu zenetna.

Amos 1:1

Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Zakari 13:5

Nge nge pî adigazi mba mi dala: An nga ni ma djok vun Alona d’i, an ni sama zuma, kayam an ni sama zuma ki gogoron dei.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.

1 Samuel 10:11

Suma pet suma a wum adjeuna a wum mi nga aduk suma djok vun Alona, nga mi djok vun Alona mi, a de tazi ala: Vama mba yam Kis goroma ni me ge? Saul mi mbut wa ma djok vun Alona zu?