Amos 6:3 - Bible azumeina

³ Agi djib’eregi ala agi walagi wa woi dei ki bur ma ndaka, wani agi hud’ugi ni murud’umba á te kagagiya.

Amos 6:3 Iomraidhean Croise

Sawal la giled’a 94:20

Suma ka sariya suma tcho suma a tin gat ta ata yat tuo d’ina, a nga zlap tu ki sed’eng á ka sariyad’a zu?

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Isai 47:7

Ndak dala: An mba ni ka’î d’a kal teglesa hina gak didin! Ndak djib’er nga yam ahle suma a lena d’i, ndak nga djib’er yam ahle suma a nga mbana d’uo mi.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Hor ma tchina 4:5

Suma a nga te te ma djivina adjeuna, a nga bo kä ir palumba. Suma a wul kur djivid’ina, a nga bulul kä yam djimgilâ.

Ezekiyel 12:22

Ang gor sana, ni kayam me ba, agi nga dugud’ogi zla d’a de d’a d’ogol la wanda yam andaga d’a Israel-la ala: Yina mi kal ngola, wani vama nde tam mbei ir sanina mi le nga d’uo ge?

Ezekiyel 12:27

Ang gor sana, ang hum zla d’a Israel-lâ a nga data. A nga dala: Ang Ezekiyel, ang nga de zlad’a ni yam vama nde tam ir sana ma sä avok tua na, ang nga djok vuna ni yam vama sä avok deina mi.

Ezekiyel 23:42

Suma ablaud’a a mba avo hataziya. Suma a nga hum siwel la furîd’a hi suma ablau suma a tcholï hur fulâ abom ma lara ge petna avo hataziya, a tchuk wulaka del abo b’oziyo d’a mbà ndata, a d’ud’uzi kadamul la djifâ kazi mi.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Amos 5:12

Kayam an we tchila magid’a tablaud’a, tcho magid’a ti kal ngola heî mi; agi nga kid’eyêgi ir ma d’ingêrâ, agi nga vagi bege d’a mbut ira abomu, agi nga d’elegi suma ka sariyad’a á ka sariyad’a hi suma houd’id’a.

Amos 5:18

Ni zla d’a hohoud’a kagi agi suma tagi nga d’i lagi zlezleû yam bur ma mbad’a hi Ma didinina. Agi mba fagi ni me kur bur ma mbad’a hi Ma didinina ge? Bur máma mba mi mbut ni bur ma nduvunda, nga ni bur ma b’od’a d’i.

Amos 6:12

Akulumeina a ndak á djang akulo yam ahinad’a zu? Suma a ndak á zum akulo yam ahinad’a kamuzleina zu? Ni kayam me ba, agi mbud’ugi zla d’a irata d’igi kuma ma tchi matna na, agi mbud’ugi d’ingêra d’igi vama aglarâ na mi ge?

Amos 9:10

Suma pet suma a le tchod’a aduk sum mana suma a nga dala: Ndaka mba d’i mba kami d’i d’oze mba d’i domi d’uo mi na, a mba tchazi avun ayîna.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Matiye 24:48

Wani le azong máma ni ma tchona ni, mba mi de kurum ala: Salana mba mi mba atogo d’i,

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

2 Pierre 3:4

Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.

Vama ndum mbeina 18:17

Ni ler ra tud’a go ba, ndjondjoî manga ti b’lak kei wana. Suliyo batod’a pet ki suma i akoid’a ki sed’etna pet ki suma djangâtna ki suma a nga le sunda kur alum ma ngolîna ki suma a nga gus ahligiyezi woi kuruma pet a mba tchol sä woi hina dei,