Amos 6:14 - Bible azumeina

¹⁴ Agi Israel-lâ, gola! An mba ni tchol kandjaf ma dingâ á durugiya. Mba mi lagi ndaka, mba mi tinï ad’ud’a avun azì ma Hamat-na dei gak mba kur toliyon nda Araba-d’a.

Amos 6:14 Iomraidhean Croise

1 Amuleina 8:65

Ata yi máma amulâ Salomon mi le vun tilâ hi Zlub’ud’ina zlapa ki Israel suma ablau suma mimiyâk suma a nga tokina. Azi ni suma a tcholï abo ma Hamat-na ki suma a tcholï avun toliyon nda Ezipte-d’ina mi. A le vun til máma avok Ma didina burâ kid’iziya. Bugola, a le vun tilâ kua gak burâ kid’iziya d’ei.

2 Amuleina 14:25

Mi yo andagad’a hi Israel-lîd’a, tinï ad’ud’a Hamat abo ma norâ dei gak mba avun apo d’a Matna abo ma sutna, d’igi Ma didina Alona hi Israel-lîna mi dat avun ma djogom vunama Jonas Amitai gorom ma Gat-Hefer-râ na.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

Isai 7:20

Kur bur máma Ma didina mba mi ndeï ki velâ sä abo alum ma Efrat-na woi hî. Ni ngad’a yam amul ma Asiri-na. Mam mba mi welegi yagi woyo, mba mi welegi tumus sa atagid’a ki d’a dudumagid’a woi pet mi.

Ezekiyel 47:20

Haga d’a abo ma fladegenid’a nalum ma ngol ma Mediterane-na tinï ad’ud’a abo ma sutna dei gak mba d’i i Lebo-Hamat abo ma norâ. Wana ni haga d’a abo ma fladegenid’a.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Amos 3:11

Ni kayam ndata ba, Salad’a Ma didina mi dala: Gola! Agi suma Samari-na, ma djangûna nga mi ngui ambasa, mba mi b’lagagi aziyagi ma ad’eng ma ngunguna woyo, mba mi hurum ahle suma kur aziyagi ma amulina mi.