Amos 5:6 - Bible azumeina

⁶ Le agi min va mi lagi d’uo ni, agi halagi ni Ma didina. Agi andjafâ hi Josef-fâ, le hina d’uo ni, mba mi fo d’igi akud’a na; mba d’i ngal Betel lei pet bei fe sama tchat teina ba.

Amos 5:6 Iomraidhean Croise

2 Samuel 19:20

Kayam an azong mangâ ni wala an le tchod’a. Kayam ndata, an ndeï ini avok kikidji aduk suma hi Josef-fâ á d’ugulong ang salana amulâ wana.

1 Amuleina 11:28

ata yi máma Jerobowam ni gor azong ma ad’engâ. Salomon mi golom nga mi le sun mamba djivid’a, mi tinim avok suma sunda yam andjafâ hi Efraim-ma kandjafâ hi Manase-na mi.

2 Sunda Hamuleinid’a 34:25

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 69:33

Suma lulumana a mba we hina wani, a mba le furîd’a, suma a nga hal Alonina, va mi lazi d’i.

Buzuk ka Abud’a 22:6

Le akud’a ti ndeï abo sana, ti djagï asuna, ti mba d’i ngal awu ma nga duta kä na d’oze awu ma nga akulo bei dutina d’oze asine máma woyo ni, sama aku ndata ndaboma, mi wurak yam awu ma ngal lei máma.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Isai 55:6

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Jeremi 38:20

Jeremi mi hulong dum ala: Azi mba hang abozi d’i. Ang hum dela hi Ma didina d’a an nga ni dangzid’a, va mba lang ngi, ang mba sud’a.

Jeremi 4:4

Agi suma Juda-na ki suma a nga kaka avo Jerusalem-ma, agi minigi tagi yam an Ma didina, agi minigi vunadigagi tala ayî mana mi fo d’igi aku d’a sana mi ndak á tchat tei d’uo d’a na yam asa’at magid’a d’a d’i.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 37:19

ang hulong dazi ala: Salad’a Ma didina mi dala: Agi golonu! An hlaguna hi Josef ma nga abo Efraim-ma zlapa kandjaf suma Israel suma a nga zlapa ki sed’ema, an mba ni djinizi kaguna hi Juda-na, an mba ni mbud’uzi nagu ma tuna hur abonu.

Amos 3:14

Kur bur ma an mba ni mba á ngop Israel-lâ yam tcho mazid’ina, an mba ni to yima ngal ahle suma ngat buzu ma Betel ma tetengâ kä woyo, kengêm ma djidjid’engâ mba mi dris kä woi andaga mi.

Amos 5:14

Agi halagi ni djivid’a, agi halagi ni tchod’a d’i. Hina wani, va mba mi lagi d’i. Ma didina Alo ma ad’engêm kal petna mba mi kak ki sed’egi d’igi agi dagi na.

Amos 5:4

Ma didina mi de mi Israel-lâ ala: Agi halan-ngïya, va mba mi lagi d’i.

Amos 6:6

Agi nga tchagi süm guguzlud’a ki kop ma nglona, agi nga lagi mbul ma d’igil ma hirwilingâ atagiya, wani agi nga had’agi hurugi yam b’lak ka ti mba yam andjafâ hi Josef-fîd’a d’i!

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Zakari 10:6

An mba ni had’enga mi suma Juda-na, an mba ni sut suma hi Josef-fâ, an mba ni hulongôzï ata yaziya, kayam an wazi hohowoziya. Azi mba mbut ni d’igi suma an arazi woi d’uo na na, kayam an ni Ma didina Alo mazina, an mba ni hum tchen mazid’a mi.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

Josue 18:5

Azi mba b’rawat kä ad’u kid’iziya. Suma hi Juda-na a mba ar kaka abo ma sutna, suma hi Josef-fâ a mba ar kaka ir haga mazid’a abo ma norâ mi.