Amos 5:22 - Bible azumeina

²² Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.

Amos 5:22 Iomraidhean Croise

Sawal la giled’a 116:17

An mba ni hang vama ngat buzu ma lang mersid’a, an mba ni yang simiyêng ang Ma didina mi.

Sawal la giled’a 40:6

Ma didina Alo mana, sun mang nga nglo d’a kal tegles sa ang lat kamid’a ki nga hur mang ma ang ngam kamina a zul ablaud’a heî. Sama d’igi ang na na nga d’i! An min de woi kazi kua, an min tchi wala woi kaziya, wani azi kal ablaud’a heî, an ndak á vazi ad’uzi woi pet ti.

Sawal la giled’a 50:23

Sama nga mi he vama ngat buzu ma le mersid’ina, mi suburun ni anu; sama nga mi ngom tam kur tit mambina, an mba ni tagam sut manda mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Isai 1:11

Ma didina mi dala: Va mi ndolon kahle magi suma ngat buzu suma ablauna ni me ge? An ndak wa abo gamlâ ma agi handji vama ngat buzu ma ngalina, abo mbul amuzleina mi. Tan nga d’i lan djivid’a yam buzu amuzlei d’oze yam buzu tumiyô d’oze yam buzu mbekmbere d’i.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Jeremi 7:21

Ma didin ma ad’engêm kal petna mi dala: Agi tchugugi he d’a hawa magi d’a ngala kahle magi suma ngat buzuna kam kua, agi mud’ugiziya.

Sunda hi suma hi Levi-nid’a 7:11

Ma didina mi de kua ala: Wana ni gat ta yam vama ngat buzu ma a mba hum mi an Ma didina á zlap darigïd’ina:

Amos 5:23

Agi hud’ugi sä woi ki sawal magi d’a hawa yaka, an min hum del la ading magina d’uo mi.

Malatchi 1:9

Ma didin ma ad’engêm kal petna mi dala: Ki tchetchemba, agi suma ngat buzuna, agi tchenegi Alona kayam mi wei hohoweya! Ni kayam agi ba, ahle ndazina a mba, na ni mba mi vagi atam djivid’a zu?

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.