Amos 5:18 - Bible azumeina

¹⁸ Ni zla d’a hohoud’a kagi agi suma tagi nga d’i lagi zlezleû yam bur ma mbad’a hi Ma didinina. Agi mba fagi ni me kur bur ma mbad’a hi Ma didinina ge? Bur máma mba mi mbut ni bur ma nduvunda, nga ni bur ma b’od’a d’i.

Amos 5:18 Iomraidhean Croise

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 24:18

Sama mi ring ngei abo mandar ma ngol mamina, mba mi nde kä kur zula; sama mi djak kei akulo kur zul ndatina mba mi ve kabeid’a. Kayam ir mbiyo ma akulona mba mi mal leyo, andagad’a ad’ut ta ged’a mba ti giget mi.

Isai 5:19

Sum ndazina a nga dala: Ar Ma didina mi le sun mamba atogo kayam ei wad’u, ar Ma tin tam irat vat yei Israel-lîna mi mbeï ki nga hur máma, mi ndagam vunam kayam ei weiziya.

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Jeremi 17:15

Gola! A nga dan ala: Zlad’a hi Ma didinid’a, ti nga ni lara ge? Ar ti mbä!

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Ezekiyel 12:22

Ang gor sana, ni kayam me ba, agi nga dugud’ogi zla d’a de d’a d’ogol la wanda yam andaga d’a Israel-la ala: Yina mi kal ngola, wani vama nde tam mbei ir sanina mi le nga d’uo ge?

Ezekiyel 12:27

Ang gor sana, ang hum zla d’a Israel-lâ a nga data. A nga dala: Ang Ezekiyel, ang nga de zlad’a ni yam vama nde tam ir sana ma sä avok tua na, ang nga djok vuna ni yam vama sä avok deina mi.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Joel 2:10

Andagad’a nga d’i yir avoroziya, akulod’a nga d’i giged’a, afata ki tilâ a mbut nduvunda, tchitchiud’a nga d’i wile d’uo mi.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Gat ta a hat á mbàd’id’a 32:24

Azi mba it abo meid’a, tazi mba d’i kumuruziya, tugud’ei d’a tchod’a mba d’i mba kaziya; an mba ni sunï amburei suma ayîna ki guguyo suma ayîna atazi mi.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

2 Pierre 3:4

Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.