Amos 5:16 - Bible azumeina

¹⁶ Kayam ndata, Salad’a Ma didina Alo ma ad’engêm kal petna mi dala: Ata yima lara ge pet, ir palum mba lara ge pet, a mba tchi horâ kua, a mba tchi ala: Alë! Alë! A mba yï suma zuma á tchina, a mba yï suma a we ge horâ heîna á tchina mi.

Amos 5:16 Iomraidhean Croise

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

Isai 15:8

Wulul mazid’a ti nde sä woi ir haga d’a Mowap-pa pepet, tchi mazi ma hohoud’a mi i gak mi nde sä woi Eglayim, tchi mazi máma mi nde sä woi Ber-Elim mi.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Jeremi 30:5

Ma didina mi dala: Ei nga humi siwel la mandarâ; ni mandar ma tchona, nga ni halasa d’i.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Wana ni mbaktumba hi Oze-d’a 4:3

Kayam ndata, baktarad’a mba d’i nde yam ambasa, suma kurutna pet kahle suma abageina kaluwei suma akulona a mba dap peyo, kuluf ma kur alum ma ngolîna pî mba mi dap pei mi.

Joel 1:11

Suma zuma a mbut hohoud’a, suma zum guguzlud’a a nga yor tazi yam gemena kawu orsâ, kayam vama dut nga d’uo d’a.

Joel 1:14

Agi tchagi wala yam d’el tad’a bei te tena, agi togogi tok ka a tinit irat vata, agi togogi suma nglona ki suma kur ambasina pet kur gong nga kud’ora hi Ma didina Alo maginid’a, agi tchenem tchen nda hud’a mi.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Joel 1:8

Agi tchigi tchi ma hohoud’a d’igi gor weid’a ti tchuk dodora atat á tchi mad’a ndjuvut ma d’umba na.

Amos 3:13

Salad’a Ma didina Alo ma ad’engêm kal petna mi dala: Agi humugiya, agi i dagi zla d’a wanda woi mandjafâ hi Jakob-ma:

Amos 5:27

Kayam ndata, an Ma didin ma simiyên ala Alo ma ad’engên kal petna na nga ni dagiya. An mba ni yogi ni igi magomba sä woi dei bugol Damas.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Mise 1:8

Kayam ndata, an Mise mba ni tchiya, an mba ni ge horâ, an mba ni tit asen hawa bei atuguruna, an mba ni er ad’un akulo d’igi hâna na, an mba ni oî d’igi arigeta na mi.

Mise 2:4

Kur bur máma a mba tinigi ndala, a mba lazagi ala: Ei b’lagei wa woi ki irei fafat, Ma didina mi he wa andaga meid’a mi suma dingâ, mi he wa asine meina mi suma bei hum vuna mi. Ni kayam me ba, a hurumi ge?

Vama ndum mbeina 18:10

A mba tchol sä woi hina dei abo mandarâ hi ndak ka mba kata, a mba dala: Ni zla d’a hohoud’a, ni zla d’a hohoud’a kang ang azì ma ngol ma Babilon ma kal teglesâ. Ni ang ba, kang sariyad’a kang kur ler ra tud’a wana!

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.