Amos 5:15 - Bible azumeina

¹⁵ Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Amos 5:15 Iomraidhean Croise

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

1 Amuleina 20:31

Azungeî mama a dum ala: Ang huma! Ami humumi ala amulei suma Israel-lâ namulei suma a we hohowa sumina. Ami i tchugumi baru d’a dodora atamiya, ami tchugumi ziyona kelemi d’igi suma dangeina na mi, ami i fami amul ma Israel-lâ. Hina wani, mam mba mi tchang nguo kla!

2 Amuleina 13:7

Wani azigarâ hi Jowahas-sâ a ar nga ngol li. Akulumeina a arî dok vahl, pus mazi ma dur ayîna mi arî dogo, azigar suma asemba a arî dudubud’a dogo mi, kayam amul ma Siri-na mi tchazi woi ngola, mi mbud’uzi ni d’igi vama suma a mired’em kä kasezina na.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Sawal la giled’a 119:104

Ni yam gat manga ba, an mbut sama d’alâ. Ni kayam ndata ba, an nga ni noî zla d’a kad’a woi pet wana.

Sawal la giled’a 34:14

Ar mi d’el sinam á de zla d’a tchod’a, ar mi d’el vunam á lop suma mi;

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Sawal la giled’a 37:27

Ang ar tchod’a woyo, ang le djivid’a. Hina wani, ang mba kak karid’a gak didin.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Buzuk ka Abud’a 32:30

Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.

Jeremi 18:8

Wani le andjaf ma an de zlad’a kama mi hulong mbut hurum yam asa’at mamba ni, an mba ni ar ndak ka an ngamzi kam á lumzid’a woyo.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 31:7

Kayam Ma didina mi dala: Agi hlagi sawal la furîd’a yam suma hi Jakob-ma, agi hlagi sawala yam andjaf ma ngol ma kal teglesâ, agi eregi ad’ugi akulo, agi gilegiziya, agi dagi woi ala: Ma didina, ang sut mang suma Israel-lâ ad’uzi d’a ara.

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Daniel 2:49

Kayam tchen nda Daniel mi tchenemba, amulâ mi he Sadrak, Mesak ki Aben-Nego sun nda te yamba kur andaga d’a Babilon-nda teteng mi. Wani Daniel mi arî ma de d’alâ kur azì mamula mi.

Joel 2:14

Dam mba mi ar ngop mam ndata woyo, mba mi lagi djivid’a. Ata yi máma agi mba mbagi ki he d’a hawa d’a afuta ki d’a süm guguzlud’a mi.

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Amos 5:24

Wani agi aragi sariya d’a d’ingêra ti djang d’igi mbina na, agi aragi d’ingêra ti djang d’igi toliyon nda bei sod’a ba d’a na mi.

Amos 5:6

Le agi min va mi lagi d’uo ni, agi halagi ni Ma didina. Agi andjafâ hi Josef-fâ, le hina d’uo ni, mba mi fo d’igi akud’a na; mba d’i ngal Betel lei pet bei fe sama tchat teina ba.

Amos 6:12

Akulumeina a ndak á djang akulo yam ahinad’a zu? Suma a ndak á zum akulo yam ahinad’a kamuzleina zu? Ni kayam me ba, agi mbud’ugi zla d’a irata d’igi kuma ma tchi matna na, agi mbud’ugi d’ingêra d’igi vama aglarâ na mi ge?

Amos 7:3

Ma didina mi djok djib’er mamba, mi dala: Ahle ndazina a mba mba d’i!

Jonas 1:6

Ma ngolâ hi batod’ina mi hut gevemu, mi dum ala: Ni kayam me ba, ang bur sena ge? Ang tchol akulo, ang yalo mangâ, dam mba mi wei hohoweya, mba mi arei ei boi woi d’uo kla.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Mise 2:12

Ma didina mi dala: Agi andjafâ hi Jakob-ma, an mba ni togogï ki zla tagi pet, an mba ni togogi agi Israel-lâ ad’ugi d’a ara. An mba ni togogi d’igi a tok tumiyôna kur kangâ mazina na, d’igi a tok d’uwarâ ata yam ma te hatna na. Agi mba togogi ni tok ka ablau d’a vuna kat gandjaud’a.

Mise 3:2

Wani agi nga noyôgi vama djivina, agi nga lagi yam vama tchona, agi nga hôgi babak suma woi ki hliwizi gak arazi asogozi woi pid’agi!

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 7:22

An tan nga ni le furîd’a kurun krovo yam gata hAlonid’a.

Romê-na 8:7

Suma a nga le minda hi sa mazi ma adjeunid’ina, ni suma djangûna hAlonina. Azi nga ge yazi kä ad’u gata hAlonid’a d’i, kayam azi ndak ki.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.