Amos 5:12 - Bible azumeina

¹² Kayam an we tchila magid’a tablaud’a, tcho magid’a ti kal ngola heî mi; agi nga kid’eyêgi ir ma d’ingêrâ, agi nga vagi bege d’a mbut ira abomu, agi nga d’elegi suma ka sariyad’a á ka sariyad’a hi suma houd’id’a.

Amos 5:12 Iomraidhean Croise

Wana ni mbaktumba hi Job-pa 20:19

Kayam mi le suma hohoud’a ndaka, mi arazi woyo, azì ma mam yom abozi kad’engina, mi hulong mi minim nga akulo d’i.

Wana ni mbaktumba hi Job-pa 31:21

Le an ngop ma hokuyod’a ata yima sariyad’a kayambala an we suma ka sariyad’a a ndjununda ni,

Sawal la giled’a 127:5

Sama nga mi le furîd’ina ni sama groma ablaud’a d’igi ir yeûd’a ti nga oîd’a kur aziyat na na, mba mi mbut zulona ata yima mba mi tchol avok mam ma djangûna ata yima ka sariyad’ina d’i.

Buzuk ka Abud’a 23:3

ar agi wagi sama houd’a hohowom ata yima ka sariyad’a d’uo mi.

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Zla d’a d’ogolâ 17:8

He d’a hawa d’a mbut ira ti ni d’igi kumana na ir suma a nga hatna, ata yima a mbut irazi kuana a nga fe djivid’a!

Zla d’a d’ogolâ 22:22

Ar ang hurum sama kid’aka tala ni ma kid’aka d’a d’i, ang kid’eî ir ma hohoud’a ata yima ka sariyad’a d’uo mi.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Isai 10:2

á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Isai 66:18

An we sun mazid’a ki djib’er mazid’a. Yina mi mba wa á tok andjaf suma pet ki vun ma de ma lara pet, a mba mba á we subur manda.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Hor ma tchina 3:34

Ata yima ang miret suma a yozi dangeinina kä kur ambasa kasengâ,

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Wana ni mbaktumba hi Oze-d’a 5:3

An we suma Efraim-ma, Israel-lâ a nga vita iran nduo mi. Wani ki tchetchemba, agi suma Efraim-ma, agi mbud’ugi tagi gaulangâ, Israel-lâ a mbut tazi ndjendjed’a mi.

Amos 2:16

Grang ma ve tam ad’enga aduk ndromina mba mi ring gandila kur bur máma! An Ma didina ni de na.

Amos 2:3

An mba ni tchamul mazina woi adigaziya, an mba ni tchi mam suma nglona zlapa ki sed’em mi. An Ma didina ni de na.

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Amos 5:7

Agi ni suma mbud’ugi zla d’a irata yat kä na, agi ni suma mired’egi d’ingêra kä andagana.

Amos 8:4

Agi suma nga tagi suma houd’ina, agi suma kid’eyêgi ir suma hohou suma kur ambasina, agi humugi zla d’a wanda.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Gat ta a hat á mbàd’id’a 16:18

Moise mi de kua ala: Agi tinigi suma ka sariyad’a ki suma nglo suma kazina hur azì ma lara ge pet ma Alo magina mba mi hagizina ad’u andjavagiya. Azi ka sariyad’a hi sumid’a ni ki d’ingêra.

Gat ta a hat á mbàd’id’a 31:21

Fata ndak ka tetenga ki hohoud’a a mba mba kazid’a, andjavazi mba mi mar yam sawal ndata d’i. Ti arî d’igi glangâs ma kazina na. An we djib’er ra kuruzid’a ini avok bei an kalazi kur ambas sa an hlazi vunan kat á hazizid’a.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.

Wana ni mbaktum mba a b’irit yam Rut-ta 4:1

Bowas mi i avun azina ata yima suma a min zlad’a kuana, mi kak kä. Sama ad’u andjafâ hi Elimelek ma Bowas mi de zlad’a mi Rut kama, nga mi kala. Bowas mi yum mi dum ala: Vani, ang mbeï kak kä wana. Mi mba mi kak kä mi.

1 Samuel 8:3

Wani groma a nga tit d’igi abuzi na d’i, a nga le d’od’ok beged’a, a nga ve he d’a hawad’a gumun abo suma á ka sariya d’a ata yat tuo d’a.