Amos 3:2 - Bible azumeina

² Ni agi hol ba, an managi aduk andjaf suma pet. Ni kayam ndata ba, an mba ni mba á ngobogi yam tcho d’a agi lata.

Amos 3:2 Iomraidhean Croise

Ad’u Tinda 10:32

Wana nadesâ hi Noe gromina, ad’u andjavaziya, ad’u adezeziya; nata azi ba, suma a b’rau woi yam andagad’a teteng bugol kusa hi mbinid’a.

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

Sawal la giled’a 147:19

Nga mi tak zla mamba woi mi Jakob, nga mi he gat mamba ki nga hur mama mi Israel.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Isai 63:19

Ami lami biza d’a ablaud’a ni d’igi suma ang te nga kazi yang tu d’uo na na, d’igi suma a yazi nga ki simiyêng yazi tu d’uo na na mi! Wani ladjï ang haû nakulod’a woyo, ladjï ang tchugï naseng kä ni, ahuniyôna a giget wa avorongû!

Jeremi 1:15

Ma didina mi dan kua ala: Gola! An nga ni yï suma kur leu d’a abom ma norîd’a halang. Azi mba mba. Nge nge pî, mba mi tin zlam mamba avun agrek ma Jerusalem-ma, huyok gulumun matna, a mba nguyum mbei d’uhl, avun azì ma nglo ma kur ambas sa Juda-d’ina pet mi.

Jeremi 10:25

Ar ang zal hurung yam andjaf suma dingâ, yam andjaf suma a nga yang á ndjunuzi d’uo na, kayam azi b’lak suma hi Jakob-ma woi kakazeî, a dabazi ahligiyezi woi kakaf, a b’lagazi yazi ma kaka woi mi.

Jeremi 11:22

Ni kayam ndata ba, Ma didin ma ad’engêm kal petna mi dala: Gola! An nga ni mba á ngoboziya. Azungeî mazina a mba bo avun ayîna, grozi suma andjofâ ki grozi suma aropma, baktarad’a mba d’i tchazi mi.

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 9:25

Ma didina mi dala: Burâ nga mi mba, an mba ni mba á ngop suma a ngat bayâ d’a lop ir sumid’ina,

Ezekiyel 5:9

An mba ni ngobogi ki ngop pa an nga bei ngop ki sa tua d’a, an mba ni ngop ki sa bugol luo mi, kayam sun magi d’a ndjendjed’a ti kal ngola heî.

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Wana ni mbaktumba hi Oze-d’a 5:3

An we suma Efraim-ma, Israel-lâ a nga vita iran nduo mi. Wani ki tchetchemba, agi suma Efraim-ma, agi mbud’ugi tagi gaulangâ, Israel-lâ a mbut tazi ndjendjed’a mi.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Amos 2:4

Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,

Amos 3:3

Suma mbà a tit ad’u tazi ni bei zla mazid’a ndjak su?

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Mise 2:3

Kayam ndata, Ma didina mi dala: Gola! An nga ni nga hurun á mba ki ndaka yam agi andjaf ma hina na. Agi mba fud’ugi yagi woi d’i, agi mba tid’igi yagi akulo herengêleng nguo mi, kayam yi máma ni yima ndaka.

Nahum 3:4

Ahle ndazina a mba ni kayam gaulang ma ablau ma Ninif atcha d’a gaulang nga djif heî ndata ti luma. Ti we mboli ma led’a ki kuma matna, ti gus andjaf suma woi ki gaulang matna, ti gus andjaf suma woi ki mboli matna mi.

Sunda hi suma a sunuzinid’a 17:26

Nata sama tuna ba, mi le andjaf suma pet suma a nga kaka yam andagad’ina. Mi ngazi atchogoi mazid’a ki ir haga mazi d’a kaka,

Romê-na 2:9

Suma pet suma a le tchod’ina a mba fe ndaka ki djop vuna, suma Juif-fâ avogo, bugola, andjaf suma dingâ mi.

1 Korente-na 8:3

Wani sama le yam Alonina, Alona nga mi wumu.

Gat ta a hat á mbàd’id’a 10:15

Nata abuyogi ngolo hol ba, Ma didina mi reî tam ki sed’ezi á le kaziya. Bugola, ni kandjavaziya, nala, ni agi suma mi managi aduk andjaf suma petna d’igi agi wagi ini na.

Gat ta a hat á mbàd’id’a 26:18

Ma didina mi hlagi vuna ini ala agi mba aragi ni sum mama tata d’igi mi dagi na, agi ngomogi vun mam ma hed’a mi.

Gat ta a hat á mbàd’id’a 32:9

Wani b’raud’a hi Ma didinid’a ni Israel-lâ, andjafâ hi Jakob-ma ni djo mama.

Gat ta a hat á mbàd’id’a 4:32

Moise mi dazi kua ala: Agi djobogi tagi yam ahle suma a le kur atchogoi d’a kala ata yima Alona mi le sana yam andagad’a dei gak inina. Agi djib’eregi yam ahlena pet suma a le yam andagad’ina, tinï ad’ud’a avun dabid’a handagad’id’a dei gak nde sä woi abo hî. Agi wagi vama ndandal hina mi le woi yam tu, d’oze agi humugi zla vama yoyou ma hina na woi yagi tu zu?

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?