Amos 2:14 - Bible azumeina

¹⁴ Sama mi ring heîna mba mi fe lovota á ringâ d’i, ma ad’engâ mba mi fe lovota á le va kad’eng mamba d’i, ma dur ayîna heîna mba fe lovota á sut tam mbuo mi.

Amos 2:14 Iomraidhean Croise

Wana ni mbaktumba hi Job-pa 11:20

Wani suma asa’atna irazi mba d’i zal leyo, a mba fe yima ngei tazina d’i, hur mazi ma tinda ni matna mi.

Sawal la giled’a 33:16

B’rang nga ngola hamulîd’a ti ndak á sud’um mbi; ad’enga hi grangîd’a ti ndak á sud’um mbuo mi.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Jeremi 25:35

Suma pola a mba fe lovota á ring ngi, suma avok tumiyônina a mba fe yima ngei tazina d’uo mi.

Jeremi 39:4

Ata yima Sedekiyas amul ma Juda-na ki suma dur ayîna a wazina, a yo ringâ, a buzuk kei kur azì ma ngolâ kandjege dangâla ki lovot ta kur asinena hamulâ d’a avun agrek ma aduk gulumun ma mbànina, a hle lovot ta i Araba-d’a.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Amos 5:9

Mam nga mi mba ki b’laka yam suma ad’engâ atogo zak, nga mi mba ki b’laka yam azì ma ad’eng ma ngunguna mi.