Amos 1:13 - Bible azumeina

¹³ Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Amos 1:13 Iomraidhean Croise

2 Samuel 12:31

David mi yo suma kur azinina, mi tinizi ata sun nda ngat aguna ki sïnid’a á wak ahinad’a ki djiga ma kaweina, á ka aguna kandjet ma kaweina, á tchi derengelâ mi. Mi le suma kur azì ma nglo ma Amon-na pet ni na mi. Bugola, mi hulong Jerusalem ki azigar mama pet.

2 Amuleina 15:16

Ata yi máma Menahem mi b’lak azì ma Tifsa-na ki suma kuruma woi pet kandaga d’a nguyumba, tinï ad’ud’a Tifsa dei gak mba Tirsa, mi b’as hur arop mazi suma wirâ woi pepet mi. Mi le hina ni kayamba ata i mam mba Samari-d’a a aram nga lovota á kal avo hatazi d’uo d’a.

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

2 Sunda Hamuleinid’a 20:1

Bugol ahle ndazina, suma Mowap-ma ki suma Amon-na zlapa ki suma Mowan-na a mba á dur ayîna ki Josafat.

2 Sunda Hamuleinid’a 20:10

Gola! Ki tchetchemba, suma Amon-na ki suma Mowap-ma zlapa ki suma yam ahina d’a Seir-rina a mba wa atami á durâ. Kid’a Israel-lâ a tcholï avo Ezipte-d’a, ang arazi nga lovota a kal yam ambasa hi sum ndazinina d’i. Wani a d’es sei kaziya, a tchazi nga d’uo mi.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Sawal la giled’a 83:7

Azi ni suma Edom-ma, suma Ismael-lâ, suma Mowap-ma, suma Hagar-râ,

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Jeremi 25:21

An hum mi suma Edom-ma, mi suma Mowap-ma ki suma Amon-na mi.

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Ezekiyel 25:1

Ma didina mi dan ala:

Ezekiyel 35:10

Ndak dala: An mba ni hlandjaf ma mbà ma Ma didina mi nga kaka adigazina.

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Amos 1:3

Ma didina mi dala: Suma Damas-sâ a nga i avogovok kur tchod’a wan pî, an mba ni djok vunan yam zla d’a an data d’i. Kayam a miret suma Galät-na kä kasezi d’igi suma a to awuna ki toto d’a kaweina na.

Gat ta a hat á mbàd’id’a 2:19

Agi mba mbagi yam ambasa hi suma Amon-na, wani agi ndazi ayîna d’i, agi duruzi d’uo mi, kayam an mba ni hagi djo nde pî yam ambasa hi suma Amon-nid’a d’i. An ni he yi máma ni mi Lot groma djona.