Ad’u Tinda 9:3 - Bible azumeina

³ Ahlena pet suma a nga yam andagad’a karid’ina a arî te magina. D’igi an hagi ahle suma d’ufa na, an hagi ahle ndazina pet ni mi agiya.

Ad’u Tinda 9:3 Iomraidhean Croise

Ad’u Tinda 9:2

Azureina, ambureina, aluweina, ahle suma a nga tit yam andagad’ina ki kulufâ pet, an hagizi nabogiya, a mba lagi mandaragi mi.

Sunda hi suma hi Levi-nid’a 22:8

Ar mi mut vama mitna d’oze ma vana vuma á mbut tam ndjendjed’a ki sed’em mbi, kayam an ni Ma didina.

Romê-na 14:14

Kayam an nga zlapa tu ki Salad’a Jesus, an wala vama ndjendje ma yam tama nga d’i. Wani vama ndjendjed’a ir sanina, mi ni ndjendjed’a iram mam hol.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Romê-na 14:20

Ar ang b’lak sunda hAlonid’a woi yam tena d’i. Gagazi, tena pet mi ndak á ted’a, wani le te mangâ mi puk wiyengâ kur tchod’a ni, ni tchod’a.

Romê-na 14:3

Ar sama nga mi tahlena petna, mi gol sama nga mi tahlena pet tuo na is si. Ar sama nga mi tahlena pet tuo na, mi ka sariyad’a yam sama nga mi tahlena petna d’uo mi, kayam Alona mi vum wa atamu.

1 Korente-na 10:23

Suma dingâ adigagi a nga dala: Ahlena pet a han lovota kazi á led’a. Gagazi, wani ahle suma dingâ a nga djivid’a á led’a d’i. Ahlena pet a han lovota kazi á led’a, wani ahlena pet a nga djivid’a á wul sana akulo kur he gagazid’a d’uo mi.

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

Gat ta a hat á mbàd’id’a 12:15

Wani kur minda hi Ma didina Alo magina d’igi mi b’e vunam kagi na, ata yima lara ma agi mba kagagi kuana, agi ndak á tchagi d’uwarâ ata yima lara ma agi minigina á mud’um hliwimu. Sama lara pî ma ndjendjed’a d’oze ma yed’etna pî, mi ndak á mud’um d’igi suma a mut du’â kazar ma a yum ala serfena na.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.