Ad’u Tinda 9:23 - Bible azumeina

²³ Sem azi ki Jafet a yo baru d’a ngola habuzi Noe-d’a, azi djak vat pepeleziya, a didak kazigaziya, a zlup yam gandilad’a habuzid’a kä, a hulong kazigazi bei a we gandilad’a habuzid’a ba.

Ad’u Tinda 9:23 Iomraidhean Croise

Ad’u Tinda 9:22

Ham ma Kanan abuma, mi wabum gandilad’a, mi i de mi b’oziyom suma mbàna woi abua.

Ad’u Tinda 9:24

Ata yima Noe süma ka woi kama, mi zlit akulo, mi hum vama gorom ma gorâ mi lumzina.

Buzuk ka Abud’a 20:12

Ar ang hu abung kasungû, kayam ang te ngola tatâ yam andaga d’a an Ma didina Alo mangâ mba ni hangzid’a.

Sunda hi suma hi Levi-nid’a 19:32

Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

1 Timote 5:1

Ar ang ngop sama mamarâ ad’enga kîk ki, wani ang gigid’em d’igi abung na. Ang giget azungeîna d’igi b’oziyongâ na,

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

1 Timote 5:19

Ar ang ve kala yam ma ngol ma gol Toka bei suma glangâsâ mbà d’oze hindi d’i.

1 Pierre 2:17

Agi hugi suma pet, agi lagi yam b’oziyogi suma a he gagazid’ina, agi lagi mandar Alona, agi gagi yagi kä avok amul ma ngolâ mi.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.