Ad’u Tinda 4:14 - Bible azumeina

¹⁴ Le ang digin ndei ini yam andaga d’a wanda ni, an mba ni ngei tan ndei dei avorongû, an mba ni talala, mba ni tcha ta’ abo hî, tcha ta’ abo hî; sama lara ma fana mba mi tchanu.

Ad’u Tinda 4:14 Iomraidhean Croise

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Ad’u Tinda 4:13

Kain mi de mi Ma didina ala: Ndak manda taneka heî; an ndak á zit ti.

2 Samuel 14:7

Wani andjavami a tchol djangûna ki sed’en an wei manga ala: Ndak hami ma tchi wiyemina, ami tchum balum wiyema, ami min tchami ma te djona woyo. Azi min tchan vun adjo man ma ar helâ woyo. Kayambala ndjuvun simiyêm yï d’oze va ar blogom yam andagad’a d’uo mi d’a.

Sawal la giled’a 109:10

Ar groma a talala, a mbut ni suma tchen ahlena, ar a tchenï ahlena woi dei kaziyazi ma b’lak keina.

Sawal la giled’a 109:12

Ar sa mi tin iram kam á lum djivid’a d’i, ar sa mi we hohowa grom suma hokuyod’a d’uo mi!

Sawal la giled’a 143:7

Ma didina, ang hulongôn humba atogo zak, kayam an nga ni lá bad’a, ang ngei tang iran ndi, ar an mbut d’igi suma a tchuk kä kur zulina na d’i.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Wana ni mbaktumba hi Oze-d’a 13:3

Kayam ndata, a mba mbut d’igi amborogei d’a yorogod’a na, d’igi mbad’ï d’a ti ge ndjö ti gas seid’a na, d’igi mbirlim mba ti tor hububu ma ata yima to awuna woid’a na, d’igi andos ma mi buzuk kei akulo yam azid’ina na mi.

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Sunda hi suma hi Levi-nid’a 26:36

An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

Ndumba 35:19

Sama hlatchugula le mi fe sama tchi mat máma ni, mi tchum mbeyo.

Ndumba 35:21

d’oze le mi tumum ki hur ma sulu’â ba, mi mid’a ni, sama mi tumuma a tchum mbeyo; ni sama tchi matna. Le sama hlatchugula mi fumu ni, mi tchum mbeyo.

Ndumba 35:27

sama hlatchugula mi fum mbei bugol azì ma ngei tad’a ba, mi tchumu ni, zla nga kam yam tchid’a mi tchumba d’i,

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.

Gat ta a hat á mbàd’id’a 28:65

Aduk andjaf sum ndazina agi mba kagagi tchugot ti, agi mba fagi yima kak ma djivina d’i. Ma didina mba mi pad’agi vunadigagi fek; agi mba mbud’ugi hohoud’a, agi mba kagagi ni ki yor tad’a mi.

2 Tasaloni’â 1:9

Alona mba mi ka sariya d’a didinda kaziya. Sum ndazina a mba tchol lei dei avok Ma didina abo subura had’eng mambid’a.