Ad’u Tinda 32:4 - Bible azumeina

⁴ Mi hazi vuna ala: Agi dagi mi salana Esau ala: Azong mangâ Jakob mi dala: An kagï ngola avo hi Laban gak ini.

Ad’u Tinda 32:4 Iomraidhean Croise

Ad’u Tinda 23:6

Sama ngolâ, ang humumiya. Alona mi tining ngola adigamiya; ang tos mat mangâ kur zul mami d’a djivi d’a kala; sama adigami ma mba mi d’eleng yam zul mamba á tos mad’amanga kuana nga d’i.

Ad’u Tinda 25:30

mi de mi Jakob ala: Meid’a tchan heî. Ang aran an te te ma hleu ma wana. Ni kayam ndata ba, suma a yi Esau ala Edom.

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

Ad’u Tinda 27:37

Isak mi hulong dum ala: An tinim wa ngol manga, an hum b’oziyoma abom pet a mbut azungeî mama, an hum awuna ki süm guguzlud’a mi. Gorona, an lang hi ni me d’ei ge?

Ad’u Tinda 31:41

An le bizad’a avo hatangî dok mbà, an lang sunda bizad’a dogo yam fid’i yam grong suma mbàna, bizad’a karagaya yam d’uwar mangâ, wani ang mbud’un wurak manda yang dodogo.

Ad’u Tinda 32:18

ang dum ala: Ni suma hazong mangâ Jakob-ma; wana ni he d’a hawa d’a mam sunungzi mi ang salamid’a; mam tam nga mi djï blogomiya.

Ad’u Tinda 32:5

An nga kamuzleina, korona, aho’â, azungeîna ki yuguneina mi. Kayam ndata, an dang ang salana Esau, kayam ang van atang ki djivid’a.

Ad’u Tinda 33:14

Salana, ar ang iza avok azong mangâ, an tit tcha blogong lalam d’igi sana mi tit ki d’uwarâ ki kemba na gak an mbaza avo hatang Seir.

Ad’u Tinda 33:8

Esau mi djop ala: Ahle suma an fazi glovot pet wana, ang izi ni mi nge ge? Jakob mi hulong dum ala: Salana, an min ala ang van atang ki djivid’a.

Ad’u Tinda 36:8

Esau ma a yum ala Edom-ma, mi kak yam ahina d’a Seir-ra.

Ad’u Tinda 36:9

Edom suma a kak yam ahina d’a Seir-ra abuzi ngolo ma a yum ala Esau-na andjavam ba wana:

Ad’u Tinda 4:7

Ang le le djivid’a ni, ang mba te kad’u; le ang le djivid’a d’uo ni, tchod’a ti nga grifa kä avun agrek mangâ; ti min á te kangû, wani mbeî ang te kad’u.

1 Amuleina 20:32

A tchuk baru d’a dodora ataziya, a tchuk ziyona keleziya, a i gen amul ma Israel-lâ. Azi dum ala: Azong mangâ Ben-Hadat mi dala ang tchum mbuo. Ahap mi dazi ala: Mi nga ki iram tua zu? Mam mi wiyena!

Buzuk ka Abud’a 32:22

Aron mi hulong dum ala: Salana, ar hurung zal kan ndi. Ang tang we sum ndazina; azi ni suma a tin huruzi yam tcho d’a led’ina dei.

Zla d’a d’ogolâ 15:1

Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.

Zla d’a d’ogolâ 25:15

Ve ta d’a tatâd’a ti ndak á kus yam ma ka sariyad’a, zla d’a de d’a lulumad’a ti ndak á kus sama mi tchol ad’enga ngingringâ tam d’ad’ameî mi.

Zla d’a d’ogolâ 6:3

gorona, vama ang luma ba wana: Ang prut tang ngeyo, ang i grif kä avok ndrangâ, ang tchenem ki labiyad’a, kayam ang nde nabomu.

Ma tchi wala 10:4

Le sama te yamba hurum zal kangû ni, ang ar yi mang ma sunda woi d’i, kayam kak ka mudjuka nga d’i ve vun hur ma zal ma tchona kä.

Isai 21:11

Wana ni zla d’a a dat yam Duma-d’a: An hum dela d’i tcholï Seir, ti dan ala: Ma ndjola, va mi le andjege ni me ge? Ma ndjola, va mi le andjege ni me ge?

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

1 Pierre 3:6

d’igi Sara ti ge yat kä ad’u Abraham ti yum ala Salana na. Le agi nga lagi djivid’a, le vama vunadigagi mba d’i tumugi abom nga d’uo ni, agi ni grotna.

Suma ka sariyad’a 5:4

Ma didina, kid’a ang nde woi Seir-ra, kid’a ang mbeï hur ful ma Edom-mid’a, andagad’a ti yira, akulod’a ti lau woyo, d’ugula ti tchugul mbina mi.

1 Samuel 26:17

Saul mi hum del David, mi dum ala: Ni deleng ang gorona David ko zu? David mi hulong dum ala: Salana amul mana, ni delen anu.