Ad’u Tinda 23:4 - Bible azumeina

⁴ An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

Ad’u Tinda 23:4 Iomraidhean Croise

Ad’u Tinda 17:8

Andaga d’a ang kak mbeid’a kata, nala, andaga d’a Kanan-nda pet, ni mi ang kandjavangû, mba d’i mbut ni magid’a ki iragi fafat; an mba ni arî Alo mazina mi.

Ad’u Tinda 23:5

Azi hulong de mi Abraham ala:

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

Ad’u Tinda 49:30

ni d’a Makpela d’a avok Mamre d’ar ra kur andaga d’a Kanan-ndid’a. Abraham mi gus zul ahina ndata zlapa kasinena abo Efron ma Het-na, kayam ti mbut ni yima tos mat mama.

Ad’u Tinda 50:13

Azi hlum a im yam ambas sa Kanan-nda, a tozom kur zul ahina d’a kur asine ma Makpela ma go ki Mamre-na. Nasine ma Abraham mi guzum adjeu abo Efron ma Het-nina, mi mbud’um yima tos mat mamina.

1 Sunda Hamuleinid’a 29:15

Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i.

Wana ni mbaktumba hi Job-pa 30:23

An wala ang mba in kur matna ata yima suma arina a mba i kuana.

Sawal la giled’a 119:19

An nakoina yam andagad’a ka hî; ar ang ngeyen vun mang ma hed’a d’i.

Sawal la giled’a 39:12

Ata yima ang ngop sanina, ang tom yam tcho mamba, ang b’lagam ahligiyem mbei d’igi fotna mi b’lak ahlena na; gagazi, suma pet ni d’igi vama hawa ya’â na. Tchol ndjö

Buzuk ka Abud’a 2:22

Ti vud’um gor mandjufâ. Moise mi yum ala Gersom, kayam mi dala: An ka’î angeina yam ambasa hi suma dingîd’a.

Ma tchi wala 12:5

Kur bur máma suma a nga ngom vun azinina a mba zlaga, suma gangrangâ a mba dodong kä, suma a nga lutna a mba ar bei lutna kayam azi ar akid’eid’a, suma a nga gol ir fenetred’ina a mba we zizimit.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Ma tchi wala 6:3

Le sana mi vut grona kis, mi le bizad’a ngola yam andagad’a, le burumî ngola pî, le mi fe nga djivid’a yam andagad’a d’uo, asuwam nga d’uo mi ni, an nga ni dala hur ma nded’a mi kalamu.

Sunda hi suma hi Levi-nid’a 25:23

Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

Sunda hi suma a sunuzinid’a 7:16

A yozi mad’azi a izi Sikem, a tozozi kur zul la Abraham mi guzut ki beged’a abo Hamor ma Sikem-ma gromid’a.

Sunda hi suma a sunuzinid’a 7:5

Alona mi hum nga yina kurut ti, yima tin asema pî nga d’i. Wani kid’a mam bei mi vut gorâ tua d’a, Alona mi hlum vunam ala mba mi hum ambasa mba mi hat mandjavam ma mi mba blogoma mi.

Hebre-na 11:9

Ni yam he gagazid’a ba, mi kak yam andaga d’a Alona mi hlum vunam kata d’igi angeina na. Mi kak kur zlub’ud’a. Bugola, Isak azi ki Jakob a kak kur zlub’ud’a mi; ni suma zlapa ki sed’em tu yam vun ma hled’a hAlonina.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.