Ad’u Tinda 23:2 - Bible azumeina

² ti mit navo Kiriyat-Arba, nala, Hebron, ni yam andaga d’a Kanan-nda. Abraham mi min tam á tchi mad’amamba Sara, mi tchid’u.

Ad’u Tinda 23:2 Iomraidhean Croise

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ad’u Tinda 23:1

Sara ti le bizad’a ni kis yam dok mbà yam kid’iziya,

Ad’u Tinda 23:19

Bugola, Abraham mi tos amamba Sara kur zul ahina d’a nga kur asine ma Makpela ma nga avok Mamre d’arâ, nala, Hebron yam andaga d’a Kanan-nda.

Ad’u Tinda 24:67

Isak mi ve Rebeka, mi kalat kur zlub’ud’a hasum Sara-d’a. Hurum vat heî, mi vad’u; kayam ndata, Isak hurum b’leng yam matna hasuma.

Ad’u Tinda 27:41

Esau mi ve Jakob kurum kayam b’e vun ma abum mi b’amzi kama, mi de kurum ala: Bur ma matna habuna mi ar go; kur bur máma, an mba ni tchi wiyena Jakob.

Ad’u Tinda 35:27

Jakob mi mba avo habum Isak avo Mamre go ki Kiriyat-Arba, nala, Hebron; ni yima Abraham azi ki Isak a kak kua adjeuna.

Ad’u Tinda 37:14

Israel mi dum kua ala: Ang i gol b’oziyongâ kaho’â a sä ni nana kla ni, ang mbei danu. Mi sunum kur hor ra Hebron-nda; Josef mi i abo ma Sikem-ma.

Ad’u Tinda 50:1

Josef mi ge tam kä yam abumu, nga mi tchi kam ngola, nga mi sobom vunam mi.

Ad’u Tinda 50:10

Kid’a azi mbaza ata yima to awuna hi Atat ma sä abo alum ma Jurdê-na woi hinid’a, azi tchim tchi ma hat hurâ kua ngola. Josef mi tchi abum kua burâ kid’iziya.

2 Samuel 1:12

A tin Saul tchina, a tchimu, a d’el tazi bei te tena gak fladege yam Saul azi ki goroma Jonatan, yam suma hi Ma didina suma avo Israel suma a tchazi avun ayînina mi.

2 Samuel 1:17

Wana ni sawal la David mi tchi ki horâ Saul azi ki goroma Jonatan-nda.

2 Samuel 2:11

David mi tamula yam suma Juda-na avo Hebron bizad’a kid’iziya ki tilâ karagaya.

2 Samuel 5:3

Ni hina ba, suma nglo suma Israel-lâ pet a mba gen amulâ David avo Hebron. David mi djin vunam ki sed’ezi avok Ma didina avo Hebron. Azi manam a tinim amula yam Israel-lâ.

2 Samuel 5:5

Mi tamula avo Hebron yam suma Juda-na bizad’a kid’iziya ki tilâ karagaya, mi tamula avo Jerusalem yam Israel-lâ ki suma Juda-na pet bizad’a dok hindi yam hindi mi.

1 Sunda Hamuleinid’a 6:57

A hazì ma ngol ma Hebron-na mandjafâ hi Aron-na á kaka; nazì ma suma a tchi matna a ngei tazi kuana mi. A hazi Libini ki yima huyogoma, Jatir, Estemowa ki yima huyogoma,

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

Nehemi 11:25

Andjafâ hi Juda ma arâ mi nga kaka kur azì ma kel ma nga nguid’ina, nala, Kiriyat-Arba kazì ma nguyuma, Dibon kazì ma nguyuma, Jekapsel kazì ma nguyuma mi,

Jeremi 22:10

Agi suma Juda-na, agi tchigi yam sama mitna d’i, agi yorogi tagi kam mbuo mi, wani agi tchigi ni yam sama mi i yinina, kayam nga mi hulongî d’i, mba mi hulong á we ambas sa a vud’um kura d’uo d’a.

Jeremi 22:18

Gola! Ma didina mi de yam Jojakim Josiyas goroma amul ma Juda-na ala: Suma a mba tchi yam mat mama ala: Aya, wiyena! Aya, wiyenda d’i. A mba tchi kam ala: Aya, salana! Aya, sama ngolâ d’uo mi.

Ndumba 13:22

A hle lovot ta abo ma sutnid’a, a i gak a mbaza Hebron ata yima Ahiman, Sesai ki Talmai Anak groma a nga kuana. Hebron a minit ni bizad’a kid’iziya avok Sowan nda Ezipte-d’a.

Ndumba 20:29

Ata yima ablaud’a ti wala Aron mi mit wa na, Israel-lâ pet a tchim gak burâ dok hindi.

Jean 11:31

Juif suma a nga kak kä gevet avo hatat á yorotna, a wat kid’a ti tchol atogo zak ti ndabud’a, a i ad’ud’u, a djib’er ala: Ti i ni sä hî yam asud’a á tchina.

Jean 11:35

Jesus mi tchiya.

Sunda hi suma a sunuzinid’a 8:2

Suma ding suma a nga le mandara Alonina a tos Etienne, a tchim ngola.

Gat ta a hat á mbàd’id’a 34:8

Israel-lâ a tchi Moise hur ful la Mowap-pa gak burâ dok hindi. Bur ma tchina ki ma yor tad’a yam Moise-sâ daba.

Josue 10:39

A hlazì máma kamul mama kazì ma go ki sed’ema pet mi. A tchi suma kurâ woi pet bei ar sa tu ba. Josue mi le kazì ma Debir-râ kamul mama ni d’igi mi le kazì ma Hebron-na na, ni d’igi mi le kazì ma Libina-na kamul mama na mi.

Josue 15:13

A he Kalep Jefune goroma andagad’a djona aduk andjafâ hi Juda-na d’igi Ma didina mi he vuna mi Josue na. A hum Kiriyat-Arba d’a a yat ala Hebron-nda. Arba ni Anak abumu.

Josue 15:54

Humta, Kiriyat-Arba, nala, Hebron ki Siyor. Azì ma nglona ni zlengâ kazì mazi ma gureina mi.

Josue 20:7

Israel-lâ a tin Kades sa Galile-d’a yam ahinad’a hi Neftali-d’a, Sikem mba yam ahinad’a hi Efraim-mba ki Kiriyat-Arba d’a a yat ala Hebron nda yam ahinad’a hi Juda-d’id’a irazi vaziya.

Josue 21:11

A hazi Kiriyat-Arba d’a a yat ala Hebron nda yam ahinad’a hi Juda-d’id’a ki yima huyogotna mi. Arba ni suma Ana’â abuzi ngolo.

Suma ka sariyad’a 1:10

Suma hi Juda-na a i dur suma Kanan suma a nga kaka kur azì ma ngol ma Hebron ma a yum adjeu ala Kiriyat-Arba-na, a dur Sesai azi ki Ahiman ki Talmai mi.

1 Samuel 20:31

Wani le Jesse goroma nga ki iram yam andagad’a tua ni, ang mba kak ki halasa d’i, leu manga mba d’i kak djivi d’uo mi; ki tchetchemba, ang sun i halamïya, a mbeyendjïya, kayam mi ndak á tchid’a.

1 Samuel 25:1

Samuel mi mid’a. Israel-lâ pet a tok á tchimu, a tozom avo hatam Rama. Ata yi máma David mi tchol mi i hur ful ma Paran-na.

1 Samuel 28:3

Kur bur máma Samuel mi mit tei da’. Israel-lâ a tchimu, a tozom avo hatam Rama. Saul mi tchi suma a nga djop ki suma azuleinina ki suma a nga djop fileinina woi kur ambasa.