Ad’u Tinda 20:6 - Bible azumeina

⁶ Alona mi dum adïd’a kua ala: An wala ang le nata yad’u; ni na ba, an d’eleng á le tchod’a á kak djangûna ki sed’enu. Ni kayam ndata ba, an arang ang dot tuo ni na.

Ad’u Tinda 20:6 Iomraidhean Croise

Ad’u Tinda 20:18

Kayam adjeu Ma didina mi b’al arop suma avo hi Abimele’â gendreged’a, kayam mi ve Sara atchad’a hi Abraham-mba.

Ad’u Tinda 26:11

Kayam ndata, Abimelek mi he vuna mi sum mama pet ala: Sama lara ma mi do sa máma d’oze amambina, gagazi, a mba tchumu.

Ad’u Tinda 3:3

wani vud’agu ma nga tchola aduk asinenina, Alona mi dami ala ami tum mbi, ami dom mbuo mi, kayambala ami bomi d’uo d’a.

Ad’u Tinda 31:24

Alona mi mba ata Laban ma Aram-ma andjege, mi dum adïd’a ala: Ang gol tang djivi á de vama djivi d’oze vama tcho mi Jakob.

Ad’u Tinda 31:7

Wani abugi mi lan iranu, mi mbud’un wurak manda yam dogo, wani Alona mi aram nga á lan vama tcho d’i.

Ad’u Tinda 35:5

Azi tchol iya; mandarâ hAlonina mi ve suma kur azì ma nguyuzina; sama i bugol Jakob ki groma nga d’i.

Ad’u Tinda 39:9

Sama ding ma kad’enga yam azì ma wana kalana nga d’i, vama mam d’elen kam tu pî nga d’i; ni ndak hol, kayam nda’î amamba. Mina ni nana ba, an dok ni le sun nda tcho d’a ngola avok Alona na ge?

Sawal la giled’a 51:4

Ang mbuzun ndei tetet kur tchila manda, ang mbud’un ndei yed’et kur tcho manda mi.

Sawal la giled’a 81:12

Wani sum mana a humun nga vunan ndi; Israel-lâ a minin nga d’uo mi.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Buzuk ka Abud’a 34:24

Ata yima an mba ni dik andjaf suma woi avorogina, an mba ni hud’ugi id’a avogovogo. Sama mba mi le d’od’oka yam ambas magid’a ata yima agi mba togogi avoron an Ma didina Alo magina yagi hindi kur bizad’a tud’ina nga d’i.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Zla d’a d’ogolâ 6:29

Sama mi kal ad’u atchad’a hi ndramid’a, mi hle tamî hina dedege; sama lara ma mi dotna, zlad’a nga d’i ba bei vum mbi.

Sunda hi suma hi Levi-nid’a 6:2

Ang he vuna mi Aron azi ki groma, ang dazi ala: Wana ni gat ta yam he d’a hawa d’a ngalid’a: A ar he d’a hawa d’a ngal ndata akulo yam yima ngal ahle suma ngat buzuna gak yorogo, a ar akud’a ti ngal akulo yam yima ngal ahle suma ngat buzuna.

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

1 Korente-na 7:1

Ki tchetchemba, an nga ni dagi yam zla d’a agi b’irindji kur mbaktumbid’a. Wani nga djivid’a á sana mi vatchad’a d’i.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

2 Tasaloni’â 2:11

Kayam ndata, Alona mba mi hazi djib’er ra vita kuruzi á he gagazid’a yam zla d’a kad’a.

2 Tasaloni’â 2:7

Ki tchetchemba, ad’eng nga mudurid’a hi Ma tchonid’a nga d’i le sunda, wani vama d’elema nga gak bur ma a mba hlum mbeina.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.

1 Samuel 25:34

Gagazi, Ma didina Alona hi Israel-lîna ni Ma bei matna; ni ma d’elen á lak tchod’ina. An nga ni dagu, adjï ndak b’ad’ï tak atogo zak á ngavan nduo ni, ndjivin yorogo sama aram bei tchid’a avo hi Nabal-lâ nga d’i.