Ad’u Tinda 2:4 - Bible azumeina

⁴ Wana nad’u tinda hakulod’a kandagad’id’a kid’a Alona mi lazid’a. Ata yima Ma didina Alona mi landagad’a kakulod’ina,

Ad’u Tinda 2:4 Iomraidhean Croise

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Ad’u Tinda 1:28

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi yam andagad’a; agi tagi kad’u, agi tagi yam kulufâ, yam aluweina, yam ambureina, yam azurei suma a nga tit yam andagad’ina pet mi.

Ad’u Tinda 1:3

Ata yi máma Alona mi dala: Ar b’od’a ti nde woyo; b’od’a ti nde woi mi.

Ad’u Tinda 1:31

Alona mi gol ahle suma mam lazina pet, a djivid’a heî. Fladeged’a nga, yorogod’a nga mi; ni bur ma karagayana.

Ad’u Tinda 1:4

Alona mi wala b’od’a ti djivid’a, mi wal ir b’od’a woi ki nduvunda.

Ad’u Tinda 10:1

Wana nandjafâ hi Noe gromina: Sem, Ham ki Jafet; a vut grona ni bugol kusa hi mbinid’a.

Ad’u Tinda 11:10

Wana nandjafâ hi Sem-ma: Sem mi le bizad’a kis, mi vut Arpaksat; ni kur biza d’a mbàd’a bugol mbiyo ma kusâ.

Ad’u Tinda 2:3

Alona mi b’e vunam yam bur ma kid’iziyana, mi tinim iram vamu, kayam mam tuk tam yam sun mam mba mi lata pet.

Ad’u Tinda 25:12

Wana nandjaf Ismael Abraham gorom ma Agar ra Ezipte d’a magomba hi Sara-d’a ti vud’umzina:

Ad’u Tinda 25:19

Wana ni zla d’a de d’a yam Isak Abraham goromid’a: Abraham mi vut Isak;

Ad’u Tinda 36:1

Wana nandjafâ hi Esau ma a yum ala Edom-ma:

Ad’u Tinda 36:9

Edom suma a kak yam ahina d’a Seir-ra abuzi ngolo ma a yum ala Esau-na andjavam ba wana:

Ad’u Tinda 5:1

Wana ni simiyê andjafâ hi Adam-ma. Bur ma Alona mi le sanina, mi lumî d’igi mam tamba na.

1 Amuleina 18:39

Kid’a Israel-lâ pet a we hina d’a, a grif kä, a dala: Ma didina nAlo ma gagazina! Ma didina nAlo ma gagazina!

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

Wana ni mbaktumba hi Job-pa 38:28

Alo ma sed’a abum nga zu? Ni nge ba, mi vut tola hi mbad’ïd’id’a ge?

Wana ni mbaktumba hi Job-pa 38:4

Ma didina mi de mi Job kua ala: Ata yima an gäd’u andagad’ina, ang nga ni lara ge? Le ang we woi teted’u ni, ang vandji ad’ud’a.

Sawal la giled’a 18:31

Alona lovot mamba ni d’ingêr, Ma didina zla mamba, suma a wat ala ni zla d’a irata. Mam mi mbareid’a hi suma pet suma a deng tazi atama.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Buzuk ka Abud’a 15:3

Ma didina ni ma gangrang ma dur ayîna, simiyêm Ma didina mi ndaga.

Buzuk ka Abud’a 6:16

Wana ni simiyê Levi groma kandjavaziya: Gerson, Kehat ki Merari. Levi mi le bizad’a ni kis yam dok hindi yam kid’iziya, mi mid’a.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 11:17

A dala: Salad’a Alo ma ad’engêm kal petna, ang Ma nga na, ang Ma nga adjeu deina, ami lang mersi kayam ang hle wa sib’ik mang nga kal papad’a, ang nga te yam suma.

Vama ndum mbeina 16:5

An hum malaika ma nga kad’enga yam mbinina, mi dala: Angî Ma d’ingêr ma ndak á ka sariya d’a hina d’ina, ang tu ni Ma bei tchod’a ba na, ni Ma nga na, ni Ma nga adjeu deina.