Ad’u Tinda 19:9 - Bible azumeina

⁹ Azi hulong dum ala: Ang hut tang ngeyo! Azi de kua ala: Sa máma mi mba ni mbeid’a adigeya, mi ndak á ka sariyad’a kei zu? Ang le hut tang ngei d’uo ni, ami lang ini vama tcho ma kal ma ami lum ini mi sum ndazinina. Azi hep Lot kad’enga, a hut go á hal á kus vun azina.

Ad’u Tinda 19:9 Iomraidhean Croise

Ad’u Tinda 11:6

Ata yi máma mi dala: Gola! Azi pet ni suma tuna, azi de ni vun ma tuna mi; vama azi tinim ad’um á led’a ki tchetchembina, vama d’elezi bugol á le vama azi tin huruzi kam á luma nga d’i.

Ad’u Tinda 13:12

Abram mi ar kaka yam andaga d’a Kanan-nda. Lot mi kak kur azì ma abagei hur fulina, mi ve zlub’u mamba abo ma Sodom-ma.

Buzuk ka Abud’a 2:14

Sa máma mi hulong dum ala: Ni nge mi tining amula ki ma ka sariyad’a kami ge? Ang hal á tchan d’igi ang tchi ma Ezipte-na kama na zu? Moise mi le mandarâ, mi dala: Gagazi, zla ndata suma humut wa da’.

Zla d’a d’ogolâ 14:16

Sama ned’a nga mi le mandara tchod’a, mi wal tam mbei ki sed’ed’u, wani sama lilid’a nga mi nga atogo zak á led’a, nga mi le mandar ri.

Zla d’a d’ogolâ 17:12

Hotei ang ngaf kambur ma a yum ala urs ma a yom gromina, kal la ang ngaf ki sama lilid’a kur sun mam mba lilid’id’a.

Zla d’a d’ogolâ 27:3

Ahinad’a ti hlaneka, lesâ maneka heî mi, wani hur ma zal ma sama lilid’a mi zalangzina, mi hlaneka kalaziya.

Ma tchi wala 10:13

Zla d’a de d’a ndavunam avoka ni lilid’a, zla mam mba dabid’a ni gurut ta tchod’a mi.

Ma tchi wala 9:3

Wana ni vama tcho ma nga mi le aduk suma yam andagad’a petna: Vama mi mba yam suma petna ni vama tu máma. Wani ata yima suma a nga kaka ki irazi yam andagad’a ka hina, huruzi mi ni oîd’a ki tchod’a ki guruta. Bugola, a bo woyo.

Isai 65:5

Ni suma a nga dala: Ang huttcha woi hina dei, ang hud’ï go gevemi d’i, kayam ami kalang ki yed’eta na. Suma hina na a ni d’igi andos ma mi tchuk atchinana na, a ni d’igi aku d’a nga d’i ngal burâ ki burîd’a na mi.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Matiye 7:6

Ar agi hagi vama a tinim iram vam mAlonina madureina d’i. Ar agi tchugugi hed’eu magina kä avok kozongâ d’uo mi, dam azi mired’em kä kaseziya, a mba hulong hôgi mbilâ.

1 Samuel 17:44

mi dum kua ala: Ang mbeya! An hang ini hliwing maluweina kamburei suma abageina!

1 Samuel 2:16

Wani le sa máma mi dum ala: Ar a ngal mbulâ woi ngal tua ba, ang hle ma ang minima tua ni, azong máma mi hulong dum ala: Nga na d’i! Ang hanï ka tchetchem! Le d’uo ni, an hlum kad’enga!

1 Samuel 25:17

Ki tchetchemba, ndak we zla ndata, ndak we vama ndak luma. Bei aboina ba, b’laka mba d’i mba yam saleina ki sum mama pet. Mam mbei ni sama asa’at ma sa ndak á dum zla d’a hina d’a d’uo na.