Ad’u Tinda 18:5 - Bible azumeina

⁵ An i ni hagi tena nde, kayam agi fagi ad’enga tua ba, agi igi tua, kayam agi kalagi yam aziyan hawa na d’i. Azi hulong dum ala: Djiviya! Ang i le d’igi ang de na.

Ad’u Tinda 18:5 Iomraidhean Croise

Ad’u Tinda 18:6

Ata yi máma Abraham mi hulong kur zlub’u mamba atogo zak, mi de mamamba Sara ala: Ndak nga afut ta adiged’id’a hur angota hindi, ndak yavuna atogo zak.

Ad’u Tinda 19:8

Gola! Grona a nga yuguneina mbà, ni suma a bur nga ki sa d’uo tua na. An i ni yogizï abua; agi lagi vama hurugi mina ki sed’eziya, wani agi lagi va ki sum ndazina d’i, kayam azi nakoyogei mana.

Ad’u Tinda 33:10

Jakob mi dum ala: Hawa! An nga ni tchenengû, le ang wan ala an ni sana avorong ko ni, ang ve he d’a hawa manda abonu, kayam an wang irangî d’igi sana mi we ir Alona na, ang van atang ki djivid’a mi.

1 Amuleina 17:11

Ndat ti i á hal mbina, wani mi yad’u, mi dat ala: Ndak mburugunï avungôna abok nde mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Isai 3:1

Gola! Salad’a Ma didin ma ad’engêm kal petna, nga mi hlad’eng nga Jerusalem-mba ki d’a Juda-d’a woyo, nga mi hlad’eng nga azi fe ki tenid’a, d’oze d’a azi fe ki mbinid’a woi mi.

Matiye 6:11

Ang hami ini te mami ma burâ ki burîna.

Suma ka sariyad’a 13:15

Manowa mi de mi malaikana hi Ma didinina ala: Ang humumiya, ang ve tang kei, ami ngad’ang gor ahu b’ëna tu.

Suma ka sariyad’a 13:16

Malaikana hi Ma didinina mi hulong de mi Manowa ala: Le ang d’elen kä wan pî, an mba ni te te mangâ d’i. Wani le ang min he vama ngat buzu ma ngala mi Ma didina ni, ang he! Manowa mi we nga d’ala ni malaikana hi Ma didinina d’a d’i.

Suma ka sariyad’a 19:5

Kur bur ma fid’ina, a tchol akulo ki yorogo tcholola, ma hi Levi-na mi min tam á id’a. Wani akunoma mi dum ala: Ang ve tang kei, ang te tena á fad’enga tua ba, agi igiya!

Suma ka sariyad’a 6:18

Mi dum kua ala: An nga ni tchenengû, ang hut tei ata yima kä wana d’i, gak an hulongî gevengû, ar an mba ki he d’a hawa manda, ni tiningzi kä avorongû. Ma didina mi hulong dum ala: An mba ni kak ka hî gak ang hulongîya.

Suma ka sariyad’a 6:19

Zedeyon mi i mi ngat ahu ma gorâ, mi nga afuta angota tu, mi lat avungô ma a lum bei angufina, mi tchuk hliuna kur kayad’a, mi vo süm guguzlud’a kur agela, mi i ki sed’ezi ad’u agu sena, mi humziya.