Ad’u Tinda 13:10 - Bible azumeina

¹⁰ Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Ad’u Tinda 13:10 Iomraidhean Croise

Ad’u Tinda 11:27

Wana nandjafâ hi Tera-na: Tera mi vut Abram, Nahor ki Haran. Haran mi vut Lot.

Ad’u Tinda 13:11

Lot mi man andaga d’a Jurdê-d’a pet, mi mber mi i iram abo ma yorogona; ni hina ba, adigazi wala.

Ad’u Tinda 13:9

Andagad’a ba sä avorong wan pet tuo zu? Ang wal adigang ngei ki anu; ang le i ni irang abo ma gulana ni, an i iran abo ma ndjufâ; le ang i ni irang abo ma ndjufâ ni, an i iran abo ma gulana mi.

Ad’u Tinda 14:2

a dur ayîna ki Bera amul ma Sodom-ma, Birsa amul ma Gomor-râ, Sinap amul ma Atma-na, Semeber amul ma Seboyim-ma kamul ma Bela-na, nala Sowar.

Ad’u Tinda 14:8

Ata yi máma amul ma Sodom-ma, amul ma Gomor-râ, amul ma Atma-na, amul ma Seboyim-ma kamul ma Bela-na, nala, Sowar, azi iya, a min tazi á dur ayîna ki sed’ezi avun hor ra Sidim-mba.

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

Ad’u Tinda 47:6

Andaga d’a Ezipte-d’a nabong angû; ang kak abung ki b’oziyongâ ata yima djivi ma kalâ, ar azi kak yam andaga d’a Gosen-nda. Le ang fe suma ned’a adigaziya ni, ang tinizi á pol d’uwar mana mi.

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

1 Amuleina 7:46

Mi yorozi nata yima kikid’i’â kur hor ra Jurdê-d’a aduk azì ma Sukot-na ki ma Sartan-na.

Wana ni mbaktumba hi Job-pa 40:23

Mba mi djin vunam ki sed’eng á mbut magom mangâ gak didin ndju?

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

Isai 15:5

An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Jeremi 48:34

Tchina hi suma Hesbon-na mi nde gak mi i Elale. Delezi d’i nde gak ti i Jahas, tinï ad’ud’a Sowar dei gak mba Horonayim, gak mba Eglat-Selisiya, kayam mbiyo ma Nimrim-ma mba mi so woyo.

Ezekiyel 16:46

Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 28:13

Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Ezekiyel 31:8

Agu sedre ma kur asinena hi an Alonina pî ma mi kalama nga d’i, agu sipre ma nga tam kaboma nga d’i, agu platan ma nga d’igi abom hina na nga d’uo mi. Agu ma kur asinena hi an Alona ma mi nga tam ki sed’em ki djifîna mi nga d’uo.

Ezekiyel 31:9

An hum abo ma djifâ atamu, agu ma Eden ma kur asinena hi an Alonina pet a le yungôra kamu.

Ezekiyel 47:18

Haga d’a abo ma yorogonid’a mba d’i tinï ad’ud’a ni aduk Damas ki Hauran, mba d’i hleï kur lovota halum ma Jurdê-nid’a aduk ambas sa Galät-ta kambas sa Israel-la, mba d’i i gak kur azì ma Tamar ma avun apo d’a Matnina. Wana ni haga d’a abo ma yorogonid’a.

Joel 2:3

Akud’a nga d’i ngal avoroziya, sin akud’a nga d’i trâ blogozi mi. Andagad’a tavorozi ni d’igi asine ma Eden-na na, ti mbut blogozi ni d’igi hur ful ma d’ad’auna na mi.

Gat ta a hat á mbàd’id’a 34:3

ki d’a abo ma sutna kandaga d’a papana d’a avun alum ma Jurdê-nid’a, ki hor ra Jeriko-d’a, ki Jeriko azì ma ngol ma amulongeîna nga kua na gak mba Sowar.