Ad’u Tinda 1:21 - Bible azumeina

²¹ Alona mi lamburei suma nglo suma aduk mbinina, kandjaf ahle suma ari suma a nga djang kä aduk mbinina, kandjaf aluwei suma a nga pir akulona pet mi. Alona mi wala ni djivid’a iramu.

Ad’u Tinda 1:21 Iomraidhean Croise

Ad’u Tinda 1:18

á te yam faleid’a kandjeged’a, á wal ir b’od’a ki nduvunda mi. Alona mi wala ni djivid’a iramu.

Ad’u Tinda 1:20

Alona mi de kua ala: Ar ahle suma arina a zul mimiyâk aduk mbina, ar aluweina a pir akulo yam andagad’a mi.

Ad’u Tinda 1:22

Alona mi b’e vunam kaziya, mi dazi ala: Agi vud’ugiya, agi zulugiya, agi oyôgi alum ma nglona; ar aluweina a zul yam andagad’a mi.

Ad’u Tinda 1:25

Hina Alona mi lazureina, ambureina, d’uwarâ kahle suma dramba, ad’u andjavazi teteng. Alona mi wala ni djivid’a iramu.

Ad’u Tinda 1:31

Alona mi gol ahle suma mam lazina pet, a djivid’a heî. Fladeged’a nga, yorogod’a nga mi; ni bur ma karagayana.

Ad’u Tinda 2:19

Ma didina Alona mi yo andagad’a, mi lazureina, ambureina kaluweina pet, mi mbazi mi sa máma á we mam mba mi yazi nana ge, kayam ahle suma arina pet a fe simi ma sa máma mba mi tinizizina.

Ad’u Tinda 6:20

aluweina kandjavaziya, d’uwarâ kandjavamu, ahle suma dram kä na kandjavaziya, andjaf ahle suma lara ge pet mbàmbà ang tchuguzi geveng kayam a sud’a.

Ad’u Tinda 7:14

Azureina, ambureina, d’uwarâ, ahle suma a dram kä na kaluweina ad’u andjavazi pet, a tchuk kur batod’a ki sed’em mi.

Ad’u Tinda 8:17

Ang tchuk ahle suma ari suma a nga ki sed’engâ woi pet abua, nala, aluweina, azureina, ambureina, d’uwarâ kahle suma a dram kä na, kayam azi b’rau woi yam andagad’a, a zula.

Ad’u Tinda 8:19

Azureina, ambureina, ahle suma dram kä na, aluweina kahlena pet suma a nga tit yam andagad’ina, ad’u andjavazi ad’u andjavazi a buzuk kei kur batod’a pet.

Ad’u Tinda 9:2

Azureina, ambureina, aluweina, ahle suma a nga tit yam andagad’ina ki kulufâ pet, an hagizi nabogiya, a mba lagi mandaragi mi.

Ad’u Tinda 9:7

Wani agi vud’ugiya, agi zulugiya, agi b’rawagi woyo, agi oyôgi yam andagad’a pet.

Wana ni mbaktumba hi Job-pa 12:7

Ang djop ambureina, a mba had’angû, aluwei suma akulona a mba dangzi mi.

Wana ni mbaktumba hi Job-pa 26:5

Avok Alona suma azuleina a nga zlak kä ad’u mbina kur yi mazi ma kaka.

Wana ni mbaktumba hi Job-pa 7:12

An nalum ma ngolâ d’oze ambur ma aduk mbina ba, ang tinin suma ndjola kan ndju?

Sawal la giled’a 148:7

Agi gilegi Ma didina yam andagad’a ka hî! Agi amburei suma aduk mbinina ki galileina pet, agi gilegiziya!

Buzuk ka Abud’a 1:7

Gro Israel-lâ a nga vud’a, a nga zul avogovogo, a zul mimiyâk, a nga mbut ad’enga, a oî yam ambasa mi.

Buzuk ka Abud’a 8:3

Wani suma kuma suma Ezipte-na a lahle mazi suma mbut ndazina hina mi. Greneûna mi buzugï woi yam ambas sa Ezipte-d’a mi.

Ezekiyel 32:2

Ang gor sana, ang tchi horâ yam Faron amul ma Ezipte-na, ang dum ala: Ang hle tangî d’igi gor azlona na aduk andjaf suma, angî d’igi hurum ma nga kä kur alum ma ngolîna na. Ang nga djang kä kur alum mangâ, ang nga mbut mbina dodopa kasengû, ang nga sulul abil mama akulo.

Jonas 2:10

Wani anu, an mba ni le mersi, an mba ni hang he d’a hawa d’a ngat buzuna, an mba ni ndak vun vun ma hle ma an hlangzina. Gagazi, suta ti tcholï nata ang Ma didina!

Matiye 12:40

D’igi Jonas mi le burâ kur kuluf ma ngolâ falei hindi andjege hindi na, an Gor Sana mba ni le burâ hindi faleya, hindi andjege kä aduk andagad’a hina mi.