Ad’u Tinda 1:11 - Bible azumeina

¹¹ Alona mi de kua ala: Ar asuna mi deî yam andagad’a, ar asuna mi le irâ ad’u andjavamu, ar agu ma lara ge pî mi vut andjavamu. A le hina mi.

Ad’u Tinda 1:11 Iomraidhean Croise

Ad’u Tinda 1:12

Kayam ndata, andagad’a ti deî asuna, asuna mi le irâ ad’u andjavamu, aguna mi vut ad’u andjavam teteng mi. Alona mi wala ni djivid’a iramu.

Ad’u Tinda 1:29

Alona mi dazi kua ala: An hagi ir asu ma yam andagad’ina kandjavam pet kagu ma vuta kandjavam pet; azi ni te magina.

Ad’u Tinda 2:16

Ma didina Alona mi hum vuna ala: Ang ndak á te vud’agu ma lara ge pet ma nga kur asinenina,

Ad’u Tinda 2:5

agu tu pî mi nga kat ti, asu tu pî mi deî nga kat tuo mi, kayam Ma didina Alona mi se nga alona yam andagad’a d’uo tua, sama zum andagad’a nga d’uo tua mi.

Ad’u Tinda 2:9

Ma didina Alona mi deî andjaf agu ma lara ge pet ata yi máma; djivid’a á gola, djivid’a á ted’a mi. Mi deî agu ma he arid’a aduk asinena, kagu ma tak á we djivid’a ki tchod’ina mi.

Wana ni mbaktumba hi Job-pa 28:5

Andaga d’a tena mi buzugï kuad’a, ad’ut ta kä yiyika ti ni b’laka, a nga mbud’ut d’igi akud’a na.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 147:8

Nga mi ka d’ugula akulo, nga mi hlalona á se yam andagad’a, nga mi deî asuna akulo yam ahuniyôna mi.

Isai 61:11

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Jeremi 17:8

Mi hle tamî d’igi agu ma a pum avun mbina ma sideyem mi i kä aduk mbiyo ma djangîna na, nga mi we huwaka d’i, humam ti ni d’ufa hina gugulî. Kur biza d’a sod’a pî, humam nga d’i lugot ti, nga mi ba bei vut tuo mi.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Matiye 6:30

Le Alona nga mi tchuk baru ma djivina masu ma ini ndjivin a mba tchugum kur gring ma akud’ina na ni, mba mi tchugugi baruna atagi kal luo zu? Agi ni suma he gagazi magid’a akid’eid’ina.

Marik 4:28

Andagad’a tata, ti deî awuna, ma avo’â nahlapma, bugolî yam mba tchuka, bugola mi le irâ.

1 Korente-na 15:38

Alona nga mi he tad’a mandjaf máma d’igi mam min na, nga mi he tad’a mandjaf ma lara ge pet mi.

Hebre-na 6:7

Ata yima andagad’a nga d’i tche mbiyo alo ma nga mi se kat teteu, nga d’i deî andjaf ma djivina mi suma a nga zumutna mi d’a, Alona nga mi b’e vunam kat mi.

Jacques 3:12

B’oziyona, na ni tuluma mi ndak á vut olifâ zu? D’oze guguzlud’a ti ndak á vut tuluma zu? Hina mi, golong nga azulora ti ndak á lau mbiyo ma adjib’etna d’uo mi.