Ad’u Tinda 1:1 - Bible azumeina

¹ Avok ka va nga d’uo tua d’a, Alona mi lakulod’a kandagad’a.

Ad’u Tinda 1:1 Iomraidhean Croise

2 Amuleina 19:15

Bugola, mi nde tchenda ala: Ma didina, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’a, angî Ma lakulod’a kandagad’ina mi.

1 Sunda Hamuleinid’a 16:26

Alona handjaf sumina pet ni va d’i, wani Ma didina ni ma lakulod’ina.

2 Sunda Hamuleinid’a 2:11

Hiram amul ma Tir-râ, mi hulong mi b’ir mbaktumba mi Salomon, mi dum ala: Ni kayamba Ma didina mi le yam sum mamid’a ba, mi tining amula kaziya.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Wana ni mbaktumba hi Job-pa 26:13

Ki fo d’a avunamba mi tor akulod’a woi d’id’ingîr, mi tchok gugui ma nga mi djangâ kabomu.

Wana ni mbaktumba hi Job-pa 38:4

Ma didina mi de mi Job kua ala: Ata yima an gäd’u andagad’ina, ang nga ni lara ge? Le ang we woi teted’u ni, ang vandji ad’ud’a.

Wana ni mbaktumba hi Job-pa 9:8

Ni mam tu ba, mi gang akulod’a sä akulo, nga mi tit akulo yam abilâ halum ma ngolîna.

Sawal la giled’a 102:25

An dala: Alo mana, ang ma nga kaka kur atchogoi d’a lara ge petna, ang hlan avok burun bei dapa d’i.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Sawal la giled’a 104:30

Ang hazi muzuk manga, ang lazi le d’a dinga, ang mbut ahlena awilid’a pet yam andagad’a.

Sawal la giled’a 115:15

Ar Ma didin ma lakulod’a kandagad’ina, mi b’e vunam kagiya!

Sawal la giled’a 121:2

Ndjun manda ti tcholï nata Ma didin ma lakulod’a kandagad’ina.

Sawal la giled’a 124:8

Ndjun meid’a ti tcholï nata Ma didin ma lakulod’a kandagad’ina.

Sawal la giled’a 134:3

Ar Ma didin ma lakulod’a kandagad’ina, mi b’e vunam kagi ei kur Siyon!

Sawal la giled’a 136:5

Mam mi ma lakulod’a ki d’al mamina, kayam o mamba nga d’i dap pi.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Sawal la giled’a 33:6

Ma didina mi lakulod’a ni ki zla mam mba ded’a, mi lahle suma kurutna pet ni ki zla d’a ndeï avunamba.

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

Sawal la giled’a 8:3

Ang mba nde ki giled’a avun gugureina ki kem mba tchapona á d’el mang suma djangûna ki suma a hal hlatchugulina bei de zlad’a mi.

Sawal la giled’a 8:4

Ata yima an gol akulod’ina, nala, sun nda ang lat kabonga, ata yima an gol tilâ ki tchitchiud’a suma ang tinizi sä akulonina,

Sawal la giled’a 90:2

Avok kid’a ang bei lahuniyôna kandagad’a ki duniyad’a tua d’a, adjeu dei gak ini burâ ki burâ angî Alona.

Sawal la giled’a 96:5

Alona handjaf suma petna ni va d’i, wani Ma didina ni ma lakulod’ina.

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Buzuk ka Abud’a 31:18

Ata yima Ma didina mi dap zla d’a ded’a mi Moise yam ahina d’a Sinai-d’a guna, mi hum ahina d’a bebed’e d’a tchet ta mbà d’a mam tam Alona mi b’ir vun ma hed’a kua ki tchitchid’amba.

Zla d’a d’ogolâ 16:4

Ma didina mi lahlena pet ni nga d’a yam va mbeî; sama asa’atna pî, mi lumî yam bur ma ndaka.

Zla d’a d’ogolâ 3:19

Ni ki ned’a ba, Ma didina mi le kandagad’a; ni ki wad’ud’a ba, mi sira kakulod’a mi.

Ma tchi wala 12:1

Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Isai 37:16

Ma didin ma ad’engêng kal petna, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’ina, ang ni Ma lakulod’a kandagad’ina.

Isai 40:21

Agi wagizi nga d’uo? Agi humugizi nga d’uo? A dagizi nga zlam kad’u tinda dei d’uo? Agi humugi nga zla ge d’a a gäd’u andagad’id’a d’uo mi zu?

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Isai 65:17

Ma didina mi dala: An nga ni lakulo d’a awilid’a kandaga d’a awilid’a. Sa mba mi djib’er yam ahle suma kalâ d’i, sa mba mi hulong djib’er kazi d’uo mi.

Jeremi 10:12

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ni ki wäd’u mamba mi.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Jeremi 51:15

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ki wäd’u mamba mi.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Sunda hi suma a sunuzinid’a 17:24

Alo ma le duniyad’a kahle suma kurutna petna, mam mi Sala akulod’a kandagad’a. Mam nga mi kak kur gongîyo suma tok suma suma a minizi kabozina d’i.

Sunda hi suma a sunuzinid’a 4:24

Kid’a a humba, a zlap vunazi tu mAlona, a de ki delezi akulo ala: Salad’a, angî ma lakulod’a kandagad’a kalum ma ngolâ kahlena pet suma a nga kurumina.

Romê-na 11:36

Kayam ahlena pet a tcholï natamu, ahlena pet a nga ata yazi ni kayam mamu, a nga ni kayam mam tamba mi. Kayam ndata, ei suburi Alona gak didin. Amin!

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Efes-sâ 3:9

á tak zla d’a mudurid’a Alo ma lahlena petna mi ngeyet kurum avok deid’a woi mi suma pet,

Hebre-na 1:10

Alona mi de kua ala: Ang Sala suma, kad’u tinda dei ang läd’u andagad’a; akulod’a ni sun nda ang lat kabonga.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Hebre-na 11:3

Ni yam he gagazid’a ba, ei wei ala Alona mi landagad’a kahle suma sä akulona ni ki zla d’a avunamba. Kayam ndata, ahle suma ei nga wazi ki ireina, Alona mi mbud’uzi kahle suma ei nga wazi ki irei d’uo na.

Hebre-na 3:4

Kayam gong nga lara pî sama minitna mi nga, wani Alona ni ma min ahlena petna.

2 Pierre 3:5

Kur min mazid’a azi mar yam ahle ndazina tala adjeu dei Alona lakulod’a kandagad’a ni ki zla d’a de d’a avunamba d’a. Andagad’a ti nde naduk mbina, mi minit ni ki mbina mi.

1 Jean 1:1

Ami nga b’irigi yam Zla d’a Ari d’a nga avok ahle suma lazina peta. Ami humud’u, ami wamizi ki iramiya, ami golod’u, ami dot kabomi mi.

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

Vama ndum mbeina 14:7

Mi de ki delem akulo ala: Ar agi lagi mandara Alona, ar agi suburum mi, kayam yi mam ma ka sariyad’a yam suma mba wa, agi kud’urogi mam ma lakulod’a kandagad’a kalum ma ngolâ ki mbiyo ma laud’a mi na.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.

Vama ndum mbeina 22:13

An ni Alfa, an ni Omega, an ni Ma avo’â, an ni Ma danana. An nAd’u tinda, an ni Yam mba dabid’a mi.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 4:11

Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.