Sunda hi suma a sunuzinid’a 9:31 - Bible azumeina

³¹ Kayam ndata, suma toka hi Christ suma yam ambas sa Jude-d’a ki d’a Galile-d’a ki d’a Samari-d’a petna, tazi d’i tchuk simetna, a fad’enga, a nga i avogovok á le mandara Salad’a, Muzuk ma bei tchod’a ba na nga mi ndjunuzi mi.

Sunda hi suma a sunuzinid’a 9:31 Iomraidhean Croise

1 Sunda Hamuleinid’a 22:18

Mi dazi ala: Ma didina Alo magina mi nga ki sed’egi d’uo zu? Ni mam ba, mi hagi tuk tad’a ata yina pet tuo zu? Kayam ni mam ba, mi han suma a nga kaka yam ambasa adjeuna abonu. A ge yazi kä avok Ma didina, avok sum mama mi.

1 Sunda Hamuleinid’a 22:9

Wani ang mba vut gorâ, mba mi ka’î sama halasâ. An mba ni hum tuk tad’a, an mba ni pad’am mbei abo mam suma djangû suma a nguyum pet, a mba yum ala Salomon. Kur atchogoi mamba, an mba ni he lovota mi Israel-lâ a mba kak ki halasa bei va mi lazi ba.

Nehemi 5:15

Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i.

Nehemi 5:9

An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu?

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Sawal la giled’a 86:11

Ma didina, ang had’an lovot manga; an mba ni tit kur gagazi manga; ang han hur ma lulumana kayam an ringîng mandarangû.

Sawal la giled’a 94:13

Mba mi tuk tam kur bur ma ndaka á djup dabid’a hi zul la ngol la a nga djugud’ot yam suma asa’atnid’a.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Zla d’a d’ogolâ 23:17

Ar ang le d’od’oka yam tcho d’a suma le tchod’a a nga lata d’i, wani ang le ni mandara Ma didina burâ ki burâ.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Zakari 8:20

Ma didin ma ad’engêm kal petna mi dala: Andjaf suma ki suma a nga kaka kur azì ma nglona tetengâ a mba mba á kak kur Jerusalem.

Sunda hi suma a sunuzinid’a 12:24

Wani zlad’a hAlonid’a ti wet teyo, nga d’i zul avogovok mi.

Sunda hi suma a sunuzinid’a 16:5

Kayam ndata, suma toka a nga sira kur he gagazid’a, a nga zul avogovok burâ ki burâ mi.

Sunda hi suma a sunuzinid’a 2:47

a nga gile Alona mi. Suma pet a nga yoroziya. Burâ ki burâ Salad’a nga mi sut suma dingâ kazi kua kazi kua kur Toka.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Sunda hi suma a sunuzinid’a 5:11

Suma Toka ki suma a hum ahle ndazinina pet a le mandarâ ngola.

Sunda hi suma a sunuzinid’a 6:7

Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

Sunda hi suma a sunuzinid’a 8:1

Kur bur máma djop vun ma ngolâ mi nde yam suma toka avo Jerusalem. Azi pet a b’rau woi yayak yam ambas sa Jude-d’a ki Samari. Suma a sunuzina a arî azi hol.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Romê-na 14:19

Kayam ndata, ar ei halei ahle suma a nga mba ki b’leng nga halasa suma a nga minï akulo kur he gagazid’ina.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 5:5

Hur mei ma tinda ni lop ira d’i, kayam Alona mi vo o mamba kuri ngola ni yam Muzuk mam ma bei tchod’a ba ma mi heizina.

1 Korente-na 14:12

Agi ni hina mi. Kayam agi nga halagi he d’a hawa d’a Muzu’â hAlonina mi heizid’a, ar agi b’ad’agi tagi á wulugi Toka akulo kur he gagazid’a.

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

2 Korente-na 10:8

Le an nga ni subur tan kal yam ad’eng nga Saleina mi hamizi á wulugi akulo á b’lagagi woi d’uo d’a pî, zulona nga mi lan ndi.

2 Korente-na 12:19

Gak ini agi nga djib’eregi ala ami halami ná pad’ami zlad’a woi kami avorogiya zu? Nga na d’i! Ami dami yam minda hi Christ-sa avok Alona. Buniyômi suma od’a, ami lami hina pet á wulugi akulo kur he gagazid’a.

2 Korente-na 13:10

Le an sä adigagi d’uo pî, an nga ni b’irigi mbaktum mba wanda, kayam fata an mbazid’a, an mba ni lagi kad’eng nga Salad’a mi handjid’a d’i. Kayam ad’eng nga Salad’a mi handjid’a ná wulugi akulo kur he gagazid’a, ná b’lagagi d’i.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Efes-sâ 4:12

Mi le na á mbut suma hAlonina memet á le sunda, á wul hliu tad’a hi Christ-sa akulo kur he gagazid’a,

Efes-sâ 4:16

Yam ad’enga hi Christ-sa, ir hliu tad’a pet nga d’i djak zlapa, sidei ma lara ge pet nga mi djik hliu tad’a pet zlapa mi. Hina, le ir hliu ta d’a lara ge pet nga d’i le sun mata ni, hliu ta ndata pet nga d’i wul akulo, nga d’i min tat akulo kur od’a mi.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Efes-sâ 5:21

Ar agi gagi yagi kä ad’u tagi d’igi agi gagi yagi kä avok Christ na mi.

Gat ta a hat á mbàd’id’a 12:10

Wani agi mba djagagi alum ma Jurdê-na, agi mba kagagi yam ambas sa Ma didina Alo magina mba mi hagizid’a. Fata mi prud’ugi wa woi abo magi suma djangû suma a nguyugina ped’u ni, mba mi hagi tuk tad’a, agi mba kagagi ki halasa bei va lagi ba mi.

Filip-ma 2:1

He gagazi magi d’a yam Christ-sa mbud’ugi ad’enga zu? O mamba b’lengêgi hurugi zu? Agi nga lagi darigïd’a ki Muzu’â hAlonina zu? Agi nga wagi hohou tagi ki hat hurâ mi zu?

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

1 Tasaloni’â 5:11

Kayam ndata, ar agi gigid’egi tagiya, agi minigi tagi akulo d’igi agi nga lagi na.

1 Timote 1:4

Ang dazi a ar djudjun nda hawa yaka kandjaf ma ndum ma dabi mamba nga d’uo na woyo. Kayam zla d’a hina d’a ti tcholî ki tuguyod’a, wani nga d’i ndjak ki minda hAlonid’a á sut suma yam he gagazi mazid’a d’i.

Hebre-na 4:9

Kayam ndata, bur ma sabat ma tuk tad’a yam suma hAlonina mi nga. Ni d’igi bur ma kid’iziya ma Alona tuk tam kuana na.

Josue 21:44

Ma didina mi arazi a kak ki halasa aduk suma a nguyuzina pet d’igi mi gun tam mabuyozi ngolo na. Sa mazi ma djangû ma ndak á tchol avorozina nga d’i. Mi hazi mazi suma djangûna abozi pet mi.

Jude 1:20

Wani agi buniyôn suma od’a, agi wulugi tagi akulo kur he gagazi magi d’a kal papa d’a tinigi iragi vagi mAlonid’a, agi tchenegi Alona kad’enga hi Muzuk mam ma bei tchod’a ba na mi.

Suma ka sariyad’a 3:30

Kur bur máma suma Mowap-ma a hulong yazi kä ad’u Israel-lâ. Ambasa ti kak ki halasa gak bizad’a dok klavandi.