Sunda hi suma a sunuzinid’a 9:15 - Bible azumeina

¹⁵ Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Sunda hi suma a sunuzinid’a 9:15 Iomraidhean Croise

Jeremi 1:5

An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.

Jeremi 1:7

Wani Ma didina mi dan ala: Ar ang dala angî gogorâ d’i. Kayam ang mba i ata suma pet suma an mba ni sunung atazina, ang mba dazi woi yam ahle suma an mba ni hang vuna kazina pet mi.

Matiye 10:18

Agi mba tchologi avok suma te yamba azi kamuleina yam an á le glangâsâ avoroziya, avok andjaf suma dingâ mi.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Sunda hi suma a sunuzinid’a 13:2

Kid’a azi nga le sunda mi Salad’a a nga d’el tazi bei te tenid’a, ata yi máma, Muzuk ma bei tchod’a ba na mi dazi ala: Agi tinin Barnabas azi ki Saul irazi vazi á ndak vun sun nda an yazi kata.

Sunda hi suma a sunuzinid’a 21:19

Bugol la Paul mi gazi depa ged’a, mi nde mi vazi ad’u ahle suma Alona mi lazi aduk andjaf suma dingâ kur sun mambina.

Sunda hi suma a sunuzinid’a 22:14

Mi dan ala: Alona habuyoi ngolona mi manang avok á we min mamba, á we mam Ma d’ingêrâ, á hum zla d’a tcholï avunamba mi.

Sunda hi suma a sunuzinid’a 22:21

Ata yi máma, Salad’a mi dan ala: Ang iya, kayam an mba ni sunung ngei dei mandjaf suma dingâ.

Sunda hi suma a sunuzinid’a 25:22

Agripa mi hulong de mi Festus ala: An min hum zlad’a hi sa mámid’a mi. Festus mi hulong dum ala: Ndjivin ang mba humud’u.

Sunda hi suma a sunuzinid’a 26:1

Agripa mi de mi Paul ala: An arang lovota, ang de zla manga. Ata yi máma, Paul mi labomu, mi väd’u zla mamba ala:

Sunda hi suma a sunuzinid’a 26:32

Agripa mi de mi Festus ala: Sa máma mi i adjï zla mamba mi Sesar adjeu d’uo ni, mi ndak á ged’a akulo.

Sunda hi suma a sunuzinid’a 27:24

mi dan ala: Paul, ar ang le mandar ri; mbeî ang mba tchol avok ma te yamba Sesar. Alona, kur djivi mam mba kanga, nga mi ngom arid’a hi suma a nga tit ki sed’engâ pet mi.

Sunda hi suma a sunuzinid’a 28:17

Bugol burâ hindi, Paul mi yi suma nglona hi Juif-fîna. Ata yima azi to’â, mi dazi ala: B’oziyona, an le nga vama kak djangûna ki Juif-fâ d’oze ki zlad’a hi simiyeîd’a d’uo pî, Juif-fâ a gan dangeina avo Jerusalem, a han abo Romê-na.

Sunda hi suma a sunuzinid’a 28:28

Paul mi dazi kua ala: Agi wagiya, Alona mi sun wa zla mam mba suta mandjaf suma dingâ, azi mba humut mi. [

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 11:13

Ki tchetchemba, an nga ni dagi agi andjaf suma dingâ ala: An ni ma a sunun yam andjaf suma dingîna. Kayam ndata, an le furîd’a á tak sun manda woi abua.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 9:16

Ata yima an nga ni tchi wal Zla d’a Djivid’ina, an nga ni subur tan ndi. Ni vama a tinindji kan mbeî á led’ina. Le an nga ni lum mbuo ni, ni zla d’a hohoud’a kanu.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

2 Timote 1:11

Alona mi tinin á tchi wal Zla d’a Djivi ndata, mi mbud’un ma a sunuma á hat suma mi.

2 Timote 2:4

Azigar ma dur ayîna nga mi tin hurum yam vama blogoma d’i, kayam mi min á le mam ma ngolâ tam djivid’a.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.