Sunda hi suma a sunuzinid’a 8:39 - Bible azumeina

³⁹ Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

Sunda hi suma a sunuzinid’a 8:39 Iomraidhean Croise

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

Sawal la giled’a 119:111

Vun mang ma hed’a ni djo man ma te ma gak didina, kayam mam mi furî manda.

Sawal la giled’a 119:14

An mba ni le furîd’a yam tit ta ni tit yam gat mangid’a d’igi an nga ni kahle suma ndjondjoîna na.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 11:24

Muzu’â mi hlan mi i ki sed’en Babilon gen suma a yozi magombina kur vama Muzu’â hAlonina mi ndandji woi irana. Ata yi máma vama nde tam mbei iran máma mi vit iranu.

Ezekiyel 37:1

Ma didina mi tin abom kanu, Muzuk mama mi van mi i ki sed’en kur hor ra asok suma nga oîd’a kuad’a.

Ezekiyel 43:5

Muzu’â hAlonina mi hlan akulo, mi in hur atrang nga krovod’a. An we subura hAlonid’a b’o mata ti oî gong mam mba kud’ora.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Matiye 13:44

Jesus mi had’azi kua ala: Leu d’a akulod’a ti hle tat ni d’igi vama djivi ma nga ngeid’a kä kur asinenina na. Sana mi wumu, mi hulong mi ngeyem kä, kayam mi nga mi le furîd’a kamu. Mi iya, mi gus ahligiyem mbei pet, mi i gus asine máma.

Matiye 3:16

Ata yima Jean mi le Jesus batembina, Jesus mi tup pei akulo aduk mbina. Ata yi máma na wat, akulod’a ti mal leyo, Jesus mi we Muzu’â hAlonina mi surop kam kä d’igi gugud’a na mi.

Marik 1:10

Kid’a Jesus nga mi tup pei akulo aduk mbinid’a, atogo hina zak mi we akulod’a ti mal leyo, Muzu’â hAlonina mi surop kam kä d’igi gugud’a na.

Sunda hi suma a sunuzinid’a 13:52

Suma hat suma Antiyos-sâ a le furîd’a ngola, a oî ki Muzuk ma bei tchod’a ba na mi.

Sunda hi suma a sunuzinid’a 16:34

Mi i ki Paul azi ki Silas avo hatamu, mi hazi tena, mi le furîd’a zlapa ki suma avo hatama pet, kayam azi he gagazid’a yam Alona.

Sunda hi suma a sunuzinid’a 8:29

Muzu’â hAlonina mi de mi Filip ala: Ang hut go gen pus máma.

Sunda hi suma a sunuzinid’a 8:38

Mi de mi sama pusâ ala mi tchola. Filip ki adimbang djak a tchuk asezi kä, a i aduk mbina; Filip mi lum batemba.

Sunda hi suma a sunuzinid’a 8:8

Suma kur azì mámina a le furîd’a ngola.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Jacques 4:16

Wani ki tchetchemba, agi nga suburugi tagiya, agi nga lagi yam mba ad’enga. Andjaf subur ta d’a hina d’a ni tchod’a.