Sunda hi suma a sunuzinid’a 8:33 - Bible azumeina

³³ Ata ge yam mam mba kä d’a, a kam sariya d’a aboina kamu. Sama mba ndumum andjavam ni nge? Kayam a tchum mbei yam andagad’a.

Sunda hi suma a sunuzinid’a 8:33 Iomraidhean Croise

Wana ni mbaktumba hi Job-pa 27:2

Alona ni Ma bei matna, ni mam ba, mi noî á kan sariya manda, ni Ma ad’engêm kal petna ba, mi b’lagan muzuganu.

Wana ni mbaktumba hi Job-pa 34:5

Job mi dala: An ni ma bei zlad’a kana, wani Alona mi ndumun nga ma d’ingêrâ d’i!

Sawal la giled’a 22:15

Ad’engên dap pei d’igi mbiyo ma sid’am kä na na, ir asogon pat tei tutu pet, ve ta manda ti lau woi kurun d’igi dubangâ na.

Sawal la giled’a 22:30

Suma bege suma yam andagad’a a te na a mba a kud’uromu, suma a mba a bona pet suma a ndak nga a ngom ari mazid’a d’uo na a mba kud’urom mi.

Isai 10:2

á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:12

Ni kayam ndata ba, an mba ni hum b’rau mamba ki suma nglona. Mam mba mi b’rau ahle suma a hurumuzï avun ayînina ki suma sib’ika kayam mi he tam mbei á matna. A ndumum zlapa ki suma tchila yam gata, kayam mi hle tchod’a hi suma ablaud’a kamu, mi tchen yam suma zlad’a nga kazina mi.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Isai 53:8

A vum kad’enga, a kam sariyad’a kamu, a kid’eyêm iramu. Wani ni nge ba, mi djib’er yam zla mamba ata yi máma ge? A hlum mbei yam andagad’a hi suma a nga ki irazina, a tom to d’a matna ni yam tchod’a hi sum manid’a.

Daniel 9:26

Bugol biza d’a kid’iziya kid’iziya dok karagaya yam mbà ndata, a mba tchi Mesi máma, a mba fe sama ndjun kam mbi. Bugol suma hamul ma dingîna a mba mba, a mba b’lak yima ngolâ woi ki yima a tinim iram vama mi. Hina pet pî, ayîna hAlonina mba mi tchi amul máma woyo, wani mam mba mi dur ayîna mi b’lak yina gak mat mama d’igi a nga kam na mi.

Habakuk 1:4

Ni kayam ndata ba, gata mbut ab’lenga, d’ingêra ad’engêt nga d’uo mi. Kayam ma tchona nga mi kus yam ma d’ingêrâ; sariya d’a kad’a pî, d’ingêra nga kua d’uo mi.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Sunda hi suma a sunuzinid’a 8:34

Adimbang mi hulong de mi Filip ala: An nga ni djobongû, ma djok vun Alona máma mi de na ni yam nge ge? Ni yam mam tamba, d’oze ni yam sama ding zu?