Sunda hi suma a sunuzinid’a 8:30 - Bible azumeina

³⁰ Filip mi ring gevemu, mi hum nga mi ndum kur mbaktum mba ma djok vun Alona Isai mi b’irita. Mi djobom ala: Ang wäd’u vama ang nga ndumum wana ko?

Sunda hi suma a sunuzinid’a 8:30 Iomraidhean Croise

Sawal la giled’a 119:32

An nga ni ring kur lovota hi vun mang ma hed’id’a, kayam ang b’lengên hurunu.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Matiye 13:19

Ata yima sana mi hum zla d’a yam leud’a hAlonid’a wani mi wat ad’ut tuo na, Ma tchona mi mba, mi hle zla d’a a zarat kurumba woyo. Wana nawu ma nde kur lovotina.

Matiye 13:23

Ma mi nde ata andaga d’a djivid’ina ni sama hum zlad’a, mi wat ad’ud’u, mi tchuk grona, ma dingâ mi le irâ kis, ma dingâ mi le irâ dok karagaya, ma dingâ mi le irâ dok hindi mi na.

Matiye 13:51

Jesus mi djop mam suma hata ala: Agi wagi ad’u ahle ndazina pet tchu? A hulong dum ala: Â.

Matiye 15:10

Jesus mi yï ablau suma gevem mi dazi ala: Agi humugiya, agi wagi ad’ud’a mi.

Matiye 24:15

Jesus mi had’azi kua ala: Kayam ndata, fata agi mba wagi Vama ndjendje ma b’lak kei ma Daniel ma djok vun Alona mi de kama, mi nga tchola ata yima a tinim iram vam ma kal teglesîd’a, ar sama ndumba mi wäd’u zla ndata djiviya.

Marik 13:14

Jesus mi had’azi kua ala: Ar sama ndumba mi wäd’u zla ndata djiviya. Wani fata agi mba wagi Vama ndjendje ma b’lak keina mi nga tchola ata yima mi ndak nga kam á tchola d’uo na, ata yi máma, ar suma kur Jude-na a ring ngei aduk ahuniyôna.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Sunda hi suma a sunuzinid’a 8:27

Mi tchol mi iya. Gol wani, mi we adimbang sama Etiyopi-na nga mi djïya. Ni ma ngol ma ngom beged’a hi Kandasa amul la Etiyopi-d’ina. Mi mba Jerusalem á kud’or Alona.

Sunda hi suma a sunuzinid’a 8:29

Muzu’â hAlonina mi de mi Filip ala: Ang hut go gen pus máma.

Sunda hi suma a sunuzinid’a 8:31

Mi hulong dum ala: An we ni nana bei sana tagandji ge? Mi de mi Filip ala mi djak akulo mi kak ki sed’em kur pusâ.

Sunda hi suma a sunuzinid’a 8:5

Filip mi i kur azì ma ngol ma ding ma Samari-na, nga mi tchazi wala yam Mesi.

1 Korente-na 14:19

Wani kur Toka, an min de zlad’a vahl ki djib’er manda á hat suma dingâ, kal la an de zlad’a dudubud’a dogo ki vun ma tetengîd’a.

Efes-sâ 5:17

Kayam ndata, ar agi kagagi d’igi suma lilid’a na d’i, wani agi b’ad’agi tagi á wäd’u vama Salad’a mi min ala agi lagiziya na.

Vama ndum mbeina 13:18

Wana ni ned’a: Sama nga ki wad’ud’a, ar mi ndum nomrod’a hambur mámid’a; nomro ndata ni nomrod’a hi sanid’a. Nomro mamba ni kikis karagaya yam dok karagaya yam karagaya mi.