Sunda hi suma a sunuzinid’a 7:44 - Bible azumeina

⁴⁴ Abuyoi ngolo a nga ki zlub’ud’a á le glangâsâ yam Alona hur fulâ. Azi minit ni d’igi Alona mi de mi Moise na ala: Ang le dedege d’igi vama ang wuma na.

Sunda hi suma a sunuzinid’a 7:44 Iomraidhean Croise

1 Sunda Hamuleinid’a 28:11

Ata yi máma David mi he ngad’a hi gulumuna ki hur gongîyo suma tetengâ ki hur gongîyo suma ngom ahlena ki hur gongîyo suma yam ndrozina akulona ki hur gongîyo suma adu’â ki gong nga a mba tin zanduk ma a tinim iram vama kuad’a mi Salomon.

1 Sunda Hamuleinid’a 28:19

David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.

2 Sunda Hamuleinid’a 24:6

Amulâ mi yi ma ngol ma ngat buzuna Jehojada, mi dum ala: Ni kayam me ba, ang nga de mi suma hi Levi-na á i ve beged’a abo suma Juda-na ki suma Jerusalem-ma d’uo ge? Ni bege d’a Moise azongâ hi Ma didinina mi ngat yam ablaud’a hi Israel-lîd’a á min ki zlub’u d’a zandu’â hi Ma didinina nga kuad’a d’uo zu?

Buzuk ka Abud’a 25:40

Moise, ang gol tang djiviya, ang i lahle ndazina dedege d’igi an tagangzï akulo yam ahinad’a ka hî na.

Buzuk ka Abud’a 26:30

Moise, ang ve zlub’u ndata akulo d’igi an tagangzi ka hî yam ahinad’a na.

Buzuk ka Abud’a 27:8

Agi lagi yima ngal ahle suma ngat buzuna ni kagu ma bebed’ena, agi aram hurum zula kä hawa, agi lumî d’igi an tagangzi yam ahinad’a kä na.

Buzuk ka Abud’a 38:21

Moise mi he vuna á ndum lora ki kawei ma hapma ki kawei ma hleuna. Nahle suma a le ki suna zlub’u d’a ngaf ta d’a a nga ngom zanduk ma a ngom vun ma djinda hAlonina kuana mi nga kuad’a. Suma hi Levi-na a ndumuzi ni azi ad’u vun ma hed’a hi Itamar ma ngat buzuna Aron goroma.

Ndumba 10:11

Kur bur ma dok mbàna hi til ma mbàna ma kur biza d’a mbà d’a azi buzugï woi kur Ezipte-d’ina, d’ugula tan ndei yam zlub’u d’a zandu’â hAlonina mi nga kuad’a.

Ndumba 18:2

Ang mba hud’ï b’oziyong suma hi Levi suma ad’u andjafâ habungâ, kayam azi kak ki sed’eng á ndjunung ata yima agi ki grongâ agi mba igi avun zlub’u d’a zanduk mana nga kuad’ina.

Ndumba 9:15

Kur bur ma a ve zlub’u d’a ngaf tad’a akulona, d’ugula ti kulubut yat b’eb’et. Ti nga kat d’igi akud’a na ki fladeged’a dei gak tcha yorogo.

Hebre-na 8:2

Nga mi le sun nda ngat buzuna ata yima Alona mi tinim iram vam ma kal teglesâ, nala, zlub’u d’a gagazi d’a Salad’a mi minita, nga ni sana d’i.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.

Josue 18:1

Kid’a Israel-lâ a hlambasa dad’a, a tok tazi avo Silo, a ve zlub’u d’a ngaf tad’a kua kolâ.

Josue 3:14

Kid’a suma a buzuk kei kur zlub’u mazid’a á djak alum ma Jurdê-nid’a, suma ngat buzu suma a nga zi zanduk ma vun ma djinda hi Ma didinina mi nga kuana a nga tit avoroziya.