Sunda hi suma a sunuzinid’a 7:25 - Bible azumeina

²⁵ Mi djib’er kurum ala b’oziyom Israel-lâ a wala nata mam ba, Alona mba mi hum lovota á pad’azi woi kur magomba. Wani azi we nga hina d’i.

Sunda hi suma a sunuzinid’a 7:25 Iomraidhean Croise

2 Amuleina 5:1

Ma ngolâ hi azigar ma Siri-na a yum ala Näman, salama mi lum ad’um heî, mi suburum heî mi. Ni kayam mam ba, Ma didina mi had’enga mi suma Siri-na á kus ayîna. Mam mi grang ma gagazina, wani mi ni libina.

Sawal la giled’a 106:7

Abuyomi ngolo a we nga ad’u sun nda ndandal la ang lat sä avo Ezipte-d’a d’i, azi mar rei yam o d’a ngol la ang lat kazid’a, azi song vunang avun alum ma ngolâ, avun alum ma ngol ma Tchereuna.

Buzuk ka Abud’a 2:12

Mi mbut iram mi gol abo hî, mi gol abo hî, mi we nga sa d’i, mi tum ma Ezipte-na, mi tchumu, mi ngeyem kä aduk lesâ.

Marik 9:32

Wani azi we nga zla ndata ad’ut ti, a le mandarâ á djobomu.

Wana ni Zla d’a Djivi d’a Luc mi b’irita 18:34

Wani suma hata a we nga zla ndata ad’ut ti; zla ndata ni ngeid’a iraziya, a we nga zla d’a mi data ad’ut tuo mi.

Wana ni Zla d’a Djivi d’a Luc mi b’irita 9:45

Wani azi we nga zla ndata ad’ut ti, kayam ti ni ngeid’a irazi á wat ad’ud’u, a le mandarâ á djop Jesus yam zla ndata mi.

Sunda hi suma a sunuzinid’a 14:27

Kid’a azi mba Antiyos dad’a, a yï suma toka pet, a vazi ad’u ahle suma Alona mi lazi ki sed’ezina pet, ni nana ba, Alona mi mal lovot ta he gagazid’a mandjaf suma dingîna ge.

Sunda hi suma a sunuzinid’a 15:4

Kid’a azi mbaza Jerusalem-mba, suma toka ki suma a sunuzina ki suma nglona a vazi ataziya. Azi vazi ad’u ahlena pet suma Alona mi lazi ki sed’ezina.

Sunda hi suma a sunuzinid’a 15:7

Kid’a a tchi tuguyod’a ngola aduk tazid’a, Pierre mi tchol akulo, mi dazi ala: B’oziyona, agi wagi kur bur ma kalâ, Alona mi manan adigagi kayam an tchi wal Zla d’a Djivid’a mandjaf suma dingâ kayam a hum zla ndata, a he gagazid’a mi.

Sunda hi suma a sunuzinid’a 21:19

Bugol la Paul mi gazi depa ged’a, mi nde mi vazi ad’u ahle suma Alona mi lazi aduk andjaf suma dingâ kur sun mambina.

Sunda hi suma a sunuzinid’a 7:24

Kid’a mi we ma Ezipte-na nga mi to wiyemid’a, mi ndjun kamu. Mi sam atchugulumu, mi tchi ma Ezipte-na woyo.

Sunda hi suma a sunuzinid’a 7:26

Tcha ndjivinda mi i geveziya, mi fe Israel-lâ mbà a nga to taziya. Mi min á zlabazi adigaziya, mi gad’azi ala: Agi ni b’oziyo tagiya. Ni nana ba, agi lagi tagi sulu’â hina ge?

Romê-na 15:18

Le an nga ni de zlad’a bei mandarâ ba ni, an nga ni de ni vama Christ mi lum ki sed’en á mba kandjaf suma dingâ á ge yazi kä ad’uma hol. Mi le na yam zla man nda ded’a ki sun man nda led’a,

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Kolos-sâ 1:29

Kayam ndata, an nga ni le sunda, an nga ni dur ayîna kad’eng nga Christ mi handjid’a, nad’eng nga nga d’i le sun nda kurunda.

Suma ka sariyad’a 15:12

A dum ala: Ami mbami ná djining á hang abo suma Filistê-na. Samson mi dazi ala: Agi gunun tagi ala ni agi ba, mba tchan ndi.

1 Samuel 14:45

Wani azigarâ a de mi Saul ala: Jonatan ma kus ayî ma ngolâ á sut Israel-lâ wa na, mi ndak á tchid’a zu? Nga na d’i! Ki simiyê Ma didin ma bei matna, ami min tumus sa kamba tu pî ti nde kä d’i, kayam mam dur ayîna kur bur máma ni kad’enga hAlonid’a. Ni hina ba, azigarâ a prut Jonatan ndei avun matna.

1 Samuel 19:5

Mi he tam mbeyo, mi tchi ma Filistê-na. Ma didina mi le ki sed’em mi sut Israel-lâ pet sut ta ngola. Ang tang we ki irangû, ang le furîd’a. Ni kayam me ba, ang le tchod’a á tchi ma bei zlad’a kama David bei lovod’ot ke?