Sunda hi suma a sunuzinid’a 6:7 - Bible azumeina

⁷ Ni hina ba, zlad’a hAlonid’a ti b’rau woyo. Suma hata a nga zul kazi kua kua kur Jerusalem, suma ngat buzuna ablaud’a a he gagazid’a mi.

Sunda hi suma a sunuzinid’a 6:7 Iomraidhean Croise

2 Sunda Hamuleinid’a 29:34

Wani suma ngat buzuna a nga ablau d’i, a ndak nga á ze ahle suma ngat buzu suma ngal ndazina pet ti. Wani b’oziyozi suma hi Levi-na a mba, a ndjunuziya, gak a dap sun ndata, gak suma ngat buzu suma dingâ a mbut tazi yed’et, kayam suma hi Levi-na, huruzi min a mbut tazi yed’et kal suma ngat buzu suma hiuna.

2 Sunda Hamuleinid’a 30:24

kayam Ezekiyas amul ma Juda-na mi hamuzleina mi suma toka 1000 kaho’â 7000, suma nglo suma sunda a hazi amuzleina 1000 kaho’â 10.000, suma ngat buzuna ablaud’a a mbut tazi yed’et mi.

Sawal la giled’a 132:16

An mba ni tchuk suta ata mat suma ngat buzuna d’igi a tchuk baruna atazi na, mat suma d’engzengâ a mba er ad’uzi akulo ki furîd’a mi.

Sawal la giled’a 132:9

Ar mang suma ngat buzuna a tchuk d’ingêra atazi d’igi suma a tchuk baruna atazi na, ar mang suma d’engzengâ a er ad’uzi akulo ki furîd’a mi.

Matiye 19:30

Ablau suma avo’â a mba mbut suma danana, ablau suma danana a mba mbut suma avo’â mi.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Jean 12:42

Hina pî, suma ablaud’a aduk suma nglona a he gagazid’a kamu, wani a de nga woi pid’ak kuo kayam azi le ni mandara Fariziyêna tala azi digizi woi abu kur gong mazi d’a toka d’uo d’a.

Sunda hi suma a sunuzinid’a 12:24

Wani zlad’a hAlonid’a ti wet teyo, nga d’i zul avogovok mi.

Sunda hi suma a sunuzinid’a 13:8

Wani ma kuma ma mbut máma, ad’u simiyêm ki vun Gre’â ala Elimas, mi tchol ad’enga ki sed’eziya, mi hal lovota á d’el ma te yamba bei he gagazid’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 19:20

Ni hina, zlad’a hi Salad’id’a nga d’i i avogovok kad’eng mamba.

Sunda hi suma a sunuzinid’a 2:47

a nga gile Alona mi. Suma pet a nga yoroziya. Burâ ki burâ Salad’a nga mi sut suma dingâ kazi kua kazi kua kur Toka.

Sunda hi suma a sunuzinid’a 21:20

Kid’a azi hum zla mamba dad’a, a gile Alona, a dum ala: Wiyemina, ang we Juif-fâ ni dudubu suma a he gagazid’ina, azi pet tazi nga d’i lazi zlezleû yam gata hi Moise-sa.

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 16:26

Wani ki tchetchemba, zla d’a muduri ndata a ndat tei kur mbaktumba hi suma djok vun Alonid’a. Alo ma didina mi he vuna ala a tagat tei mandjaf suma pet, kayam a he gagazid’a, a ge yazi kä ad’um mi.

Galat-na 1:23

Wani azi humî zla d’a suma dingâ a nga dat ala: Mam ma djobei vunei adjeuna, ki tchetchemba, nga mi tchi wal Zla d’a Djivi d’a gagazi d’a mam hal á pleyêt tei adjeud’a.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

Hebre-na 11:8

Ni yam he gagazid’a ba, Abraham, ata yima Alona mi yuma, mi ge yam kä, mi i yam andaga d’a Alona humzi djonid’a. Mi ar ambas mamba, mi we nga yima mi i kuana d’i.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Jude 1:20

Wani agi buniyôn suma od’a, agi wulugi tagi akulo kur he gagazi magi d’a kal papa d’a tinigi iragi vagi mAlonid’a, agi tchenegi Alona kad’enga hi Muzuk mam ma bei tchod’a ba na mi.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.