Sunda hi suma a sunuzinid’a 5:20 - Bible azumeina

²⁰ Agi igiya, agi i tchologi kur gong nga kud’ora hAlonid’a, agi tchagi wala mi suma pet yam ari d’a awilid’a.

Sunda hi suma a sunuzinid’a 5:20 Iomraidhean Croise

Buzuk ka Abud’a 24:3

Moise mi mba, mi de zla d’a Ma didina mi dumzid’a ki vun ma he ma mi humzina pet mi Israel-lâ. Israel-lâ ki zla tazi pet a hulongôm zla d’a ded’a ki vun ma tuna ala: Ami mba lami ahlena pet suma Ma didina mi dami kazina.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 26:2

An Ma didina nga ni dangû, ang i tchol kur gulumuna hi gong man nda kud’orina, ang de mi suma kur azì ma nglo ma Juda-na suma a nga mba á grif kä kur gong mandina zla d’a pet ta an nga ni hang vuna kat á dazizid’a. Ang ar zla kä tu d’i.

Jeremi 36:10

Baruk mi ndum zlad’a hi Jeremi d’a mi b’irit kur mbaktum mba d’utid’a avok suma kur gong nga kud’ora hi Ma didinid’a, kur gonga hi Gemariya Safan ma b’ir mbaktumba goroma, kur atrang nga akulo ndinga avun Agrek ma Awilina hi gong nga kud’orina mi.

Jeremi 7:2

Ang i tchol avun agre’â hi gong mandina, ang dazi zla d’a wanda ala: Agi suma Juda-na pet suma nga kalagi avun agrek ma wana á grif kä avok Ma didinina, agi humugi zla mamba.

Ezekiyel 33:7

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Matiye 10:27

Zla d’a an dagizi andjeged’a, agi dat tei faleya; vama agi humugizi gumuna, agi tchum walam mbei yam azuweina akulo.

Matiye 21:23

Ata yi máma, Jesus mi kal kur gong nga kud’ora Alonid’a, nde mi hat suma. Nglo suma ngat buzuna azi ki suma nglona hi Juif-fîna a mba, a djobom ala: Ni kad’eng nga lara ba, ang le kahle ndazina hina ge? Sama mi hang ad’eng ndata ni nge ba, ang nga le kahle ndazina hina ge?

Jean 12:50

An we vun mam ma hed’a nari d’a didinda. Kayam ndata, zla d’a an nga ni data, an de ni d’igi Abun dan na mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Jean 6:63

Ni Muzu’â hAlonina ba, mi he arid’a mi suma; hliuna ndak á le va d’i. Zla d’a de d’a an dagizid’a ni Muzu’â karid’a.

Jean 6:68

Simon Pierre mi hulong dum ala: Salamina, ami imi ni gen nge ge? Ni ang ba, nga ki zla d’a ari d’a didinda.

Sunda hi suma a sunuzinid’a 11:14

Mam mba mi dang zla d’a ang mba fe ki sutid’a ki suma avo hatangâ pet mi.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.