Sunda hi suma a sunuzinid’a 4:13 - Bible azumeina

¹³ Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Sunda hi suma a sunuzinid’a 4:13 Iomraidhean Croise

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Matiye 26:71

Kid’a mi nde woi á i avun agre’îd’a, wei d’a dinga ti wumu. Ti de mi suma a nga ata yi mámina ala: Sama wana ni ki Jesus ma Nazarat-na mi.

Matiye 26:73

Bugol ndjö, suma a nga ata yi mámina a hut gen Pierre, a dum ala: Gagazi, ang nga adigazi mi, kayam zla mang nga ded’a gang ad’ung ngeyo.

Wana ni Zla d’a Djivi d’a Luc mi b’irita 22:8

Jesus mi sun Pierre azi ki Jean, mi dazi ala: Agi i minî te ma Pa’â.

Jean 19:26

Kid’a Jesus mi wasum ki ma hat ma mam le kam heîna mi nga tchola go ki sed’eta, mi de masum ala: Asunu, ndak gol goro’â wana!

Jean 7:15

Juif-fâ a le atchap, a dala: Sa máma mi le nga hata yam tu d’uo ko mi na. Ni nana ba, mi we mbaktumba na ge?

Jean 7:49

Wani ablau d’a wan nda ti we nga gata d’uo d’a ni d’a a gat vunid’a.

Sunda hi suma a sunuzinid’a 4:14

Kid’a suma nglona a we sama fe lafiyana mi nga tchola gevezid’a, a fe nga vama á dazizi baluma d’i.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

Sunda hi suma a sunuzinid’a 4:29

Ki tchetchemba Salad’a, ang gol ngop mazid’a, ar ami azungeî mangâ ami dami zlad’a ki hur ma ade’esâ.

Sunda hi suma a sunuzinid’a 4:31

Kid’a azi tchen Alonid’a, yima azi nga tok kuana mi yir gigidji, azi pet a oî ki Muzuk ma bei tchod’a ba na, a nga de zlad’a hAlonid’a ki hur ma ade’esâ.

Sunda hi suma a sunuzinid’a 9:27

Barnabas mi vum im mi suma a sunuzina. Mi vazi ad’u ahlena ala ni nana ba, Saul mi we Salad’a kur lovota kahle suma mi dumzina ki wal la mi tchat ki simiyê Jesus kur Damas bei mandarâ ba d’a.

Sunda hi suma a sunuzinid’a 9:28

Saul mi nga zlapa ki sed’ezi avo Jerusalem, nga mi ndabua, nga mi hulongîya, nga mi tchi wala ki simiyê Salad’a bei mandarâ ba.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.

1 Korente-na 14:25

Djib’er ra nga ngeid’a kurumba mba d’i nde woi pid’agï. Ata yi máma, mba mi ge tam kä, mba mi kud’or Alona, mba mi dala: Gagazi, Alona mi nga adigagiya.

2 Korente-na 3:12

Kayam ndata, ami nga ki hur ma tinda, ami nga dami zlad’a bei mandarâ ba mi.