Sunda hi suma a sunuzinid’a 3:1 - Bible azumeina

¹ Pierre azi ki Jean a nga i kur gong nga kud’ora hAlonid’a ki fladege d’a afata tchuk siyata á tchen Alona.

Sunda hi suma a sunuzinid’a 3:1 Iomraidhean Croise

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

Sawal la giled’a 55:17

Wani an nga ni yAlona; Ma didina mi sud’unu.

Buzuk ka Abud’a 29:39

Ang he yorogo tu, fladege tu mi.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Daniel 9:21

Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Ndumba 28:4

Ang mba he gor timi ma dingâ tu yorogo, ma hîna ki fladege d’a afata i nikid’a mi.

Matiye 17:1

Bugol kur bur ma karagayana, Jesus mi yo Pierre azi ki Jacques ki wiyema Jean, mi i ki sed’ezi akulo yam ahina d’a fiyak ka ked’iwurenga woi vaziya.

Matiye 26:37

Mi yo Pierre azi ki Zebede grom suma mbàna. Tam mbi nde lum a’alî, hurum hat mi.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Wana ni Zla d’a Djivi d’a Luc mi b’irita 1:10

Ablau suma a nga tchen Alona abu ata yima mam nga mi ngal dubang ma his djivid’ina.

Wana ni Zla d’a Djivi d’a Luc mi b’irita 18:10

Mi dala: Suma mbà a djak kur gong nga kud’ora hAlonid’a á tchen Alona. Tu ni ma Fariziyêna, ma hina ni ma ve lombod’a mi.

Wana ni Zla d’a Djivi d’a Luc mi b’irita 22:8

Jesus mi sun Pierre azi ki Jean, mi dazi ala: Agi i minî te ma Pa’â.

Wana ni Zla d’a Djivi d’a Luc mi b’irita 24:53

Burâ ki burâ azi nga kur gong nga kud’ora hAlonid’a, a nga gile Alona mi.

Jean 21:7

Kayam ndata, ma hat ma Jesus mi le kam heîna, mi de mi Pierre ala: Ni Salad’a. Kid’a Simon Pierre mi hum ala ni Salad’a d’a, mi kleû baru mama atamu, kayam mam mi gandilad’a, mi ge tam kä á mbiyo.

Sunda hi suma a sunuzinid’a 10:3

Ki fladege d’a afata tchuk siyata, mi we malaikana hAlonina mi nde tam mbei iramu. Mi kal gevemu, mi dum ala: Kornei.

Sunda hi suma a sunuzinid’a 10:30

Kornei mi dala: Ini ni bur ma hindina, ata yima an nga ni tchen Alona avo hatan kid’a afata tchuk siyata. Atogo hina zak, sana mi nga tchola avoron ki baru ma wile wiwilika atamu.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Sunda hi suma a sunuzinid’a 3:3

Kid’a mi we Pierre azi ki Jean a nga i á kal kur gong nga kud’ora hAlonid’id’a, mi tchenezi he d’a hawad’a.

Sunda hi suma a sunuzinid’a 3:4

Pierre azi ki Jean a so irazi kamu, a dum ala: Ang golomiya!

Sunda hi suma a sunuzinid’a 4:13

Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Sunda hi suma a sunuzinid’a 5:25

Sana tu mi mba, mi dazi ala: Agi gologiya! Suma agi tchuguzi dangeinina a sä tchola kur gong nga kud’ora hAlonid’a, a nga hat suma.

Sunda hi suma a sunuzinid’a 8:14

Kid’a suma a sunuzi suma Jerusalem-ma a hum ala suma Samari-na a he wa gagazid’a yam zlad’a hAlonid’a na, a sunuzi Pierre azi ki Jean.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.