Sunda hi suma a sunuzinid’a 28:8 - Bible azumeina

⁸ Ata yi máma, Publiyus abum tam nga d’i kumurum ngola, nga mi vo sutna buzuna mi. Paul mi kal avo hatamu, mi tchen Alona, mi tin abom kamu, mi tcholom akulo.

Sunda hi suma a sunuzinid’a 28:8 Iomraidhean Croise

Matiye 10:1

Jesus mi yi mam suma hata dogo yam mbà. Mi hazi ad’enga á dik muzuk ma tchona woi kur suma, á sut suma woi kur andjaf tugud’ei mazid’a teteng ki suma homozed’a pet mi.

Matiye 10:8

Agi sud’ugi suma tugud’eid’a, agi tchologi suma matna akulo, agi sud’ugi suma libina, agi digigi muzuk ma tchona woi kur suma. Agi vagi ni hawa, agi hagi mi suma ni hawa mi.

Matiye 12:13

Ata yi máma, mi de mi sama abom tche mogod’ina ala: Ang mat abong ngeyo. Mi mad’am mbeyo, abom mbut ad’enga d’igi ndrama na.

Matiye 9:18

Ata yima Jesus nga mi de zla ndata tua na, ma ngolâ hi gonga toka hi Juif-fîna, mi mba, mi grif kä avok Jesus, mi dum ala: Goronda ti mid’ï ka tchetchem, wani ang mbeï tin abong kad’u, ti tchol akulo.

Marik 16:18

Azi mba yo guguyona kaboziya. Le a tche ni kuma ma tchi matna pî, mba lazi va d’i. Azi mba tin abozi yam suma tugud’eid’a, a mba sud’uzi mi.

Marik 5:23

Nga mi tchenem ngola ala: Goron nda gora nga d’i le ná matna. Ang mbeï tin abong kad’u, ar ti tchol akulo, ar ti mit ti.

Marik 6:5

Wani Jesus mi fe nga lovota á le vama ndandal kua tu d’i, wani mi tin abomî yam suma tugud’eid’a kap mbà go, mi sud’uziya.

Marik 7:32

A mbamï sama ngel ma nga mi de zlad’a woi tetet tuo na, a tchenem ala mi tin abom kamu.

Wana ni Zla d’a Djivi d’a Luc mi b’irita 13:13

Mi tin abom kad’u. Ata yi máma na wat, ti tchol akulo d’ingêr, nga d’i subur Alona.

Wana ni Zla d’a Djivi d’a Luc mi b’irita 4:40

Kid’a afata nik dad’a, suma pet suma a nga ki tugud’eid’a tetengâ, a mbamziya. Mi tin abom kazi tutu pet, mi sud’uziya.

Sunda hi suma a sunuzinid’a 28:7

Go ki yi máma, asinena hamulâ hi tila ma a yum ala Publiyus-sâ mi nga kua. Mi vami atam ki od’a, mi lami akoid’a burâ hindi.

Sunda hi suma a sunuzinid’a 28:9

Ata yi máma, suma tugud’ei suma ding suma kur tilina, a mba gevemu, a tchol akulo mi.

Sunda hi suma a sunuzinid’a 9:40

Pierre mi buzuk suma pet woi abua, mi grif kä, mi tchen Alona. Mi mbut iram yam mad’ad’u, mi yat ala: Tabita, ndak tchol akulo. Ti mal irat teyo, ti gol Pierre, ti tchol kak akulo.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

1 Korente-na 12:9

Ni Muzuk ma tu máma ba, nga mi he mi sama dingâ gagazi d’a hed’a, nga mi he mi sama dingâ á sut suma tugud’eid’a teteng.